Uganda: Abana babiri bahiriye mu nzu barapfa, bikekwa ko bishwe n’umubyeyi wabo

Bikorimana Alexis | 26-09-2016
Uganda: Abana babiri bahiriye mu nzu barapfa, bikekwa ko bishwe n’umubyeyi wabo

Abana babiri bishwe n’inkongi y’umuriro mu gace kitwa Amuria muri Uganda, nyuma y’uko nyina agiye kureba televiziyo ku muturanyi we agasiga abana be basinziriye akabafungirana mu nzu bonyine.

Nk’uko umuvugizi wa polisi, Micheal Odongo abitangaza, avuga ko aba bana bapfuye, umwe yari mu kigero cy’imyaka 3 undi ari mu kigero cy’amezi umunani, bakaba bari baryamye mu nzu y’ibyatsi basinziriye bonyine nyuma y’uko nyina yari yagiye kureba televiziyo mu baturanyi.

Se w’aba bana bishwe n’inkongi yahise afatwa ajyanwa muri gereza ngo akorerweho iperereza barebe niba ntaho ahuriye n’ubu bugizi bwa nabi. Aba bana bari bafite ababyeyi bombi ariko bakaba babanaga na nyina gusa nyuma y’uko se na nyina bananiwe kumvikana bagatandukana.

Kugeza magingo aya icyateye iyi nkongi ntikiramenyekana n’ubwo bikekwa ko yaba ari se wabitwikiye ku bw’amakimbirane afitanye n’umugore we.

Polisi yafunze uyu mugabo imukiza abanyamuryango bashakaga kumwivugana dore ko bo bemezaga ko ari we wishe abana be. Uyu mubyeyi ukekwaho kuba yivuganye abana be, yatangiye kubazwa n’inzego zishinzwe iperereza ngo ukuri kumenyekane.

KANDA HANO UREBE VIDEOS UTASANGA AHANDI