Uganda: Igisirikare cyahagaritse utubari n’amaduka byagobokaga imiryango y’ingabo

Bikorimana Alexis | 20-08-2016
Uganda: Igisirikare cyahagaritse utubari n’amaduka byagobokaga imiryango y’ingabo

Igisirikare cya Uganda cyamaze guhagarika ibikorwa by’ubucuruzi birimo utubari, amaduka ndetse n’ibindi byose byakorerwaga mu gace ka Barracks gatuwemo n’abasirikare ndetse n’imiryango yabo byashoboraga gutuma ingabo z’igihugu zishima zikarenza urugero. }

Igisirikare cya Uganda cyamaze gukuraho ibikorwa by’ubucuruzi birimo amaduka, utubari n’ibindi bikorwa bifitanye isano n’ibi mu kurwanya ko hakongera kubaho ibikorwa by’ubwicanyi nk’uko biheruka kuba mu gace ka Barracks.

Uhagarariye igisirikare muri Uganda, Gen Katumba Wamala yavuze ko igihugu cyahisemo gufata uyu mwanzuro nyuma y’uko hagaragaye ubwicanyi bwakozwe n’abasirikare nyuma yo kunywa inzoga bagasinda maze hakabaho kurasana.

Icyi cyemezo cyari cyafashwe mu cyumweru gishize, ariko ubu kikaba aribwo kigiye gutangira gushyirwa mu bikorwa nk’uko byemezwa n’umukuru w’igisirikare.

Umuvugizi w’ingabo zirwanira mu kirere, Maj Tabaro Kiconco, yashimangiye ko iki cyemezo gikwiye dore ko aka gace ka Barracks gakunze guhuriramo abasirikare mu gihe cy’akazi, ndetse akemeza ko nta bikorwa bibi bizongera kubera muri aka gace nibaba bakuyeho burundu ibyatumaga abasirikare basinda.

Ubwo basobanuraga ibikorwa bibujijwe muri aka gace gatuyemo imiryango y’abasirikare, Maj Kiconco yatangaje ko ibyo baciye ari ibyatuma abasirikare bitwara nabi bitewe n’ubusinzi cyangwa kwishimisha bakarenza urugero.

Abaturage baganiriye na Daily Monitor dukesha iyi nkuru, bavuze ko babona ari ukubangamira bikabije imiryango y’abasirikare dore ko abenshi bari batunzwe n’ibikorwa bito bito byakorwaga n’iyo miryango bunganira imishahara y’abagabo babo.

Igisirikare cyakomeje kimara impungenge imiryango y’abasirikare, aho bavuze ko iyi miryango izakomeza gukora bimwe mu bibinjiriza amafaranga bikunda gukorerwa mu gace ka Barracks harimo nko guhinga ibihumyo. 0 0 0

KANDA HANO UREBE VIDEOS UTASANGA AHANDI