Umudepite w’u Burundi uheruka gusuka amarira mu Rwanda yishwe arashwe

Chief Editor | 13-07-2016
Umudepite w’u Burundi uheruka gusuka amarira mu Rwanda yishwe arashwe

Umudepite w’u Burundi uheruka kuza mu Rwanda akahasuka amarira, yishwe arasiwe i Bujumbura mu murwa mukuru w’u Burundi kuri uyu wa Gatatu tariki 13 Nyakanga 2016, aho yavanwe ari intere akajyanwa kwa muganga ariko agahita ashiramo umwuka.

Ibinyamakuru byinshi byo mu Burundi, byemeje iyi nkuru ibabaje y’uko uyu mudepite witwa Hafsa Mossi wari uhagarariye u Burundi mu Nteko Ishinga Amategeko y’Umuryango w’Ibihugu by’Afurika y’Uburasirazuba (EALA), yiciwe mu mujyi wa Bujumbura arashwe n’abantu bataramenyekana.

Muri Kamena umwaka ushize, nibwo abadepite bagize Inteko Ishinga Amategeko y’Umuryango w’Ibihugu by’Afurika y’Uburasirazuba (EALA) basuye inkambi ya Mahama icumbikiwemo impunzi z’Abarundi mu Karere ka Kirehe, Depite Hafissa Mossi araturika ararira nyuma yo kubona ubuzima impunzi zibayemo.

Depite Mosi yavuze ko ubuzima impunzi zibayemo budashimishije na gato kuko zakabaye ziri iwabo, ndetse azizeza kuzakora ubuvugizi afatanyije na bagenzi be maze ikibazo cyatumye zihunga kigashakirwa umuti. Arinze apfa ariko umuti w’ibibazo by’u Burundi utaraboneka ndetse n’izi mpunzi zikiri mu nkambi ya Mahama.

KANDA HANO UREBE VIDEOS UTASANGA AHANDI