Umugore yatwitse igitsina cy’umugabo we asiga anamufungiranye mu nzu aratoroka

Chief Editor | 26-07-2016
Umugore yatwitse igitsina cy’umugabo we asiga anamufungiranye mu nzu aratoroka

Umugabo w’imyaka 32 y’amavuko witwa Antony Werunga wo mu gihugu cya Kenya, mu ijoro ryo ku Cyumweru rishyira kuwa Mbere tariki 25 Nyakanga 2016, yabaye nk’ukubiswe n’inkuba ubwo yashidukiraga hejuru yumva igitsina cye kirimo gushya

Uyu mugabo avuga ko ubwo yashidukaga asanga igitsina cye kirimo gushya ari nako ababara cyane, yasakuje atabaza umugore we ngo amufashe kumenya ibimubayeho ariko akumva ntakoma, agahita yiyumvisha ko ubwo yamutwitse agahita yiruka akigendera.

Antony Werunga wari wangiritse cyane imyanya ndangagitsina ye, yabonye ko agomba gusindagira akajya hanze agatabaza abamujyana kwa muganga ariko nyuma yo kugera ku muryango asanga umugore yasize amufungiranye, asakuza asaba abahisi n’abagenzi kumugoboka kugeza mu gitondo ubwo yabonaga abica urugi bakamukingurira bakamujyana kwa muganga.

Uyu Werunga umerewe nabi aho arimo kuvurirwa mu bitaro bya Matunda, avuga ko umugore we bari bamaranye imyaka 15 babana, ariko bakaba bari baraye batonganye bapfa amasambu batumvikanaga ku byo bayakoresha, akaba akeka ko ari byo byatumye amutwika.

Uyu mugore wa Werunga ariko ngo si ubwa mbere yitabaje umuriro mu gukora amahano, kuko hari igihe yigeze no gutwika imyenda y’uyu mugabo we ndetse agashumika n’ibikoresho byo mu buriri birimo imisego n’amashuka.

Source: Edaily

KANDA HANO UREBE VIDEOS UTASANGA AHANDI