Umukobwa wakoreraga Google yasambanyijwe ku ngufu anicwa urw’agashinyaguro

Rukundo Irené | 9-08-2016
Umukobwa wakoreraga  Google yasambanyijwe ku ngufu anicwa urw’agashinyaguro

Vanessa Marcotte w’imyaka 27 wakoreraga Google mu bijyanye n’icungamutungo yabonywe n’abashinzwe umutekano yapfuye atwitswe ku Cyumweru mu masaha ya saa mbiri z’umugoroba. Umurambo we wagaragaye muri Leta ya Massachusetts, nyuma y’uko yagiye agiye muri siporo akamara igihe kinini ataragaruka mu rugo.

Ushinzwe ubushinjacyaha mu karere ka Worcester Joseph Early, kuri uyu wa Mbere yatangaje ko uyu Vanessa Marcott byavuzwe ko yabuze hagati ya saa saba na saa kumi mu gace ka Princeton muri Massachusetts. Yakomeje abwira abaturage bo muri ako gace ko bagomba kuba maso kubera icyo gikorwa cyabaye.

JPEG - 53.7 kb

Vanessa Marcotte yari umukozi wa Google wakoreraga i New York

Abakoresha ba Marcotte bo mu ruganda rwa Google bihanganishsije umuryangowe aho banditse bagira bati: “Vanessa Marcotte yari umwe mu bantu b’umutima mwiza, yakoraga mu biro byacu biherereye muri New York , yari amaze igihe kigera ku myaka ibiri ahakorera. Si umutima mwiza gusa ahubwo yarangwaga n’inseko nziza n’ igikundiro kandi yari umunyamurava… Turababaye kuko tubuze umuntu wacu ariko dukomeje kwihanganisha ndetse no kwifatanya n’umuryango we.”

JPEG - 47.9 kb

Vanessa Marcotte yasambanyijwe ku ngufu anicwa nabi atwitswe

Ku rubuga rwe rwa Blog Marcotte yanditseho ubwo yari akiri umunyeshuri muri kaminuza ya Boston, yavuze ko yumva akunda gukora ibijyanye no kuri internet. Aha yagiraga ati : “Kugira ibyo menya mu bijyanye n’ikoranabuhanga ndetse no kumenya ibijyanye n’ishoramari numva aribyo nshaka kuzashyiramo ingufu mu bihe by’ahazaza hanjye”. Izi nzozi yari yarazigezeho ariko yishwe atararamba mu buzima bw’akazi yakundaga.

KANDA HANO UREBE VIDEOS UTASANGA AHANDI