AMAKURU

UKWEZI

Umunyarwanda yiciwe i Burundi arashwe urufaya rw’amasasu

Umunyarwanda yiciwe i Burundi arashwe urufaya rw’amasasu
16-07-2016 | By Chief Editor | Yasomwe n'abantu 6701 | Ibitekerezo 1

Mu gace ka Gihosha mu gihugu cy’u Burundi, hiciwe umunyarwanda warashwe amasasu menshi kugeza ashizemo umwuka, iki gikorwa cy’ubugizi bwa nabi kikaba cyarabereye mu rugo rw’uyu wishwe aho yari acumbitse.

Ikinyamakuru Igihe cyo mu Burundi, kivuga ko umuntu witwaje imbunda yateye urwo rugo rwo mu Gihosha, agategeka umuzamu gukingura maze yagera imbere akabona umunyarwanda yashakaga akamurasa amasasu menshi yanahitanye umwana muto bari begeranye.

Aya makuru akomeza avuga ko uwo mugizi wa nabi yasanze abantu bataramye ari benshi, akarobanuramo uwo munyarwanda wishwe akaba ari we amishaho urufaya rw’amasasu.

N’ubwo nta mazina y’uyu wishwe aratangazwa, Polisi y’u Burundi yemeje ko ibyangombwa bye bigaragaza ko ari umunyarwanda wavukiye mu Burengerazuba mu cyahoze ari Cyangugu, icyakoze ibi byangombwa by’u Rwanda bikagaragaza ko yabiherewe muri Mozambique.

Igipoli cy’u Burundi cyamaze guta muri yompi abantu batandatu barimo gukorwaho iperereza kuri ubwo bwicanyi, abafashwe bakaba ari Abarundi basanzwe baba muri urwo rugo rwiciwemo uwo muntu.


Tanga Igitekerezo
Ibitekerezo 1
Bishop N. Moise Kuya 17-07-2016

Sindi umunyapolotike ndi Pastor ndababaye cyane kubera uriya mu Depitekazi wu Burundi ariya marira agaragazako akunda abarundi nuburundi uburundi oya Africa ibuze umuntu wu mutima nsabe abavusha amaraso yabarundi kunamura icumu kuko amaraso yinzirakarengane Imana irayakurikirana

IGURIRE
IBARUWA ZA JORIJI
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA