Abantu 16 bicishijwe imihoro n’amashoka muri Kongo

Chief Editor | 5-05-2016
Abantu 16 bicishijwe imihoro n’amashoka muri Kongo

Abantu bitwaje imihoro n’amashoka bishe abantu 16 mu burasirazuba bwa Republika Iharanira Demokarasi ya Kongo, mu gace kitwa Beni. Abayobozi batandukanye muri Repubulika Iharanira Demokarasi ya Kongo, babwiye BBC ko ubwo bwicanyi bwabereye i Beni mu ijoro ryo kuwa Kabiri tariki 3 Gicurasi 2016.

Abakoze ubwo bwicanyi kugeza ubu ntibaramenyekana, ariko hari abaravuga ko bishoboka ko ari abarwanyi b’umutwe wa ADF NALU ukorera muri ako karere. Uwo mutwe ukomoka muri Uganda, ariko ukorera cyane cyane muri Congo.

Imiryango idaharanira inyungu iravuga ko abantu bagera ku 1000 bamaze kwicwa n’imitwe y’abitwaje intwaro i Beni no mu turere tuhegereye mu myaka 2 ishize.

Igihugu cya Repubulika Iharanira Demokarasi ya Kongo, ni kimwe mu bidasibamo ubwicanyi n’isibaniro ry’imitwe yitwaje intwaro yaba irwanya ubutegetsi bw’iki gihugu ndetse n’irwanya ubutegetsi bw’ibihugu byo mu karere.

KANDA HANO UREBE VIDEOS UTASANGA AHANDI