AMAKURU

UKWEZI

Abaganga b’ibitaro bya Gitwe bafunzwe kubera amakosa yatumye umwana apfa

Abaganga b’ibitaro bya Gitwe bafunzwe kubera amakosa yatumye umwana apfa
7-09-2016 | By Chief Editor | Yasomwe n'abantu 7027 | Ibitekerezo 8

Abaganga batatu bo mu bitaro bya Gitwe biherereye mu karere ka Ruhango mu Ntara y’Amajyepfo, batawe muri yombi na Polisi y’u Rwanda ikorera muri aka karere bakurikiranweho icyaha cyo kurangarana umubyeyi wari uri ku nda, bikaviramo umwana we gupfa.

Umwe mu bakozi b’ibi bitaro utashatse ko amazina ye atangazwa ku bw’umutekano we, yabwiye ikinyamakuru Ukwezi.com ko hari umubyeyi wagiye kuri ibi bitaro agiye kubyara abaganga bakamusiganira akamara umwanya munini atarafashwa, bigatuma umwana wavukaga apfa.

CIP André Hakizimana, umuvugizi wa Polisi y’u Rwanda mu Ntara y’Amajyepfo, yabwiye ikinyamakuru Ukwezi.com ko Polisi ikorera mu karere ka Ruhango yataye muri yombi abo baganga batatu kugirango hakorwe iperereza ku makosa bakurikiranweho ko baba barakoreye mu kazi.

Avuga ko ubu atatangaza byinshi ku cyaha bakurikiranweho mu gihe iperereza rikirimo gukorwa, kuko bishobora kugira icyo bibangamira muri iryo perereza.

Ingingo y’160 yo mu gitabo cy’amategeko ahana ibyaha mu Rwanda, ivuga ko umuganga cyangwa undi mukozi ukora iby’ubuganga, mu kazi ashinzwe, iyo hapfuye umuntu ku bw’umwete muke, kudakurikiza amabwiriza cyangwa ubundi buteganye buke cyangwa ubuteshuke bwose, ahanishwa igifungo kuva ku mwaka umwe (1) kugeza ku myaka itatu (3) n’ihazabu y’amafaranga y’u Rwanda kuva ku bihumbi magana abiri (200.000) kugeza ku bihumbi magana atanu (500.000).


Tanga Igitekerezo
Ibitekerezo 8
Ingabire Kuya 11-09-2016

Ibyo bintubirakabije rwose icyaha nicyibahama bazahanwe

sekarambi Kuya 10-09-2016

Erega ubundi abaganga n’abarimu bahembwa urusenda ibyo bazajya badukorera tuzabifatisha amaboko yombi.Ibyo bakora byose babikorana umujinya kubera ubuzima babamo.Banga gusezera ku kazi kuko baba babona nta handi bajya,noneho amaburakindi agatuma bakora nabi.Ni reme ry’uburezi bwacu naho ripfira ntimugire ngo hari ahandi.

boniface Kuya 8-09-2016

Dutegereze ibizava mu iperereza icyaha nikibahama bazahanwe by’intangarugero twihanganishije umuryango wababuze uwabo.

hacker Kuya 8-09-2016

umutoni. ahubwo nawe bagukurikirane ndumva nawe warahishiriye icyaha kandi warubizi ko bigiyekuba
.

muhirwa Kuya 7-09-2016

Ibyo byabaye kubitaro bya Gihundwe mukarere la RUSIZI umubyeyi wumwana yitwz Fidel ukwezi muzamwegere ababwire umubabaro we nuburyo uwo muganga yemeye KO ntabushake bwo kugira icyo yafasha uwo Nyakwigendera, ahubwo agahatirwa kumubabarira tel mobil y’a fideri ni 0788277710 mû mavuriro habera ibintu bibi byinshi

umutoni Kuya 7-09-2016

Abo baganga nibakurikiranwe kdi icyaha nikibahama bazahanwe, ese ahandi bakora gute ? Burya bwose iyo muganga yarangaranye umurwayi arabihanirwa, muzagere mubitaro byose, njye nzi ibitaro bimwe umukozi yagambiriye kugirira nabi mugenzi we kubera uburangare bwaviriyemo umwana we gupfa abayobozi bibyo bitarobakabizindikiranya bakabunga kungufu nanubu umubyeyi w’umwana akaba agifite umubabaro n’agahinda .

umutoni Kuya 7-09-2016

Abo baganga nibakurikiranwe kdi icyaha nikibahama bazahanwe, ese ahandi bakora gute ? Burya bwose iyo muganga yarangaranye umurwayi arabihanirwa, muzagere mubitaro byose, njye nzi ibitaro bimwe umukozi yagambiriye kugirira nabi mugenzi we kubera uburangare bwaviriyemo umwana we gupfa abayobozi bibyo bitarobakabizindikiranya bakabunga kungufu nanubu umubyeyi w’umwana akaba agifite umubabaro n’agahinda .

cecile mukarugema Kuya 7-09-2016

umuntu wese aba agomba gukora neza akazi ashinzwe bakurikiranwe,

IGURIRE
IBARUWA ZA JORIJI
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA