Ange Kagame yasuye abagore baboha, aricara afatanya nabo kuboha agaseke

Chief Editor | 6-10-2016
Ange Kagame yasuye abagore baboha, aricara afatanya nabo kuboha agaseke

Ange Ingabire Kagame, umukobwa wa Perezida Paul Kagame, yasuye abagore baboha i Kayonza mu kigo cy’abagore biyemeje kwiteza imbere babyaza umusaruro amahirwe n’impano bafite, iki kigo kikaba kizwi nka "Rwanda Women’s Opportunity Center".

Kuri uyu wa Gatatu tariki 5 Ukwakira 2016, Ange Kagame yatangaje ku rubuga rwa Twitter ko yishimiye gusura abagore bakora umwuga w’ububoshyi bw’uduseke n’ibindi bifitanye isano natwo, hanyuma agaragaza ko nawe arimo gushyira mu bikorwa ubumenyi afite mu bijyanye no kuboha uduseke.

Ange Kagame yagize ati: "Ndimo gushyira mu bikorwa ubumenyi mfite mu kuboha agaseke, hamwe n’abagore b’igitangaza bo muri Rwanda Women’s Opportunity Center i Kayonza... Byari ibyishimo kubasura, hariya hantu harimo gukorwa akazi gashimishije cyane."

Uru ruzindo rwa Ange Kagame, rwashimye cyane n’umunyamerikakazi Laurie Adams, impirimbanyi mu burenganzira bw’abagore, akaba na Perezidante w’umuryango mpuzamahanga Women for Women International ukorana n’iki kigo umukobwa wa Perezida yasuye.

KANDA HANO UREBE VIDEOS UTASANGA AHANDI