Ibintu 5 ukwiye kumenya kuri Ange Kagame wizihiza isabukuru y’imyaka 23 y’amavuko

Chief Editor | 8-09-2016
Ibintu 5 ukwiye kumenya kuri Ange Kagame wizihiza isabukuru y’imyaka 23 y’amavuko

Ange Ingabire Kagame, ni umwana wa kabiri mu muryango wa Perezida wa Repubulika y’u Rwanda Paul Kagame n’umufasha we Jeannette Kagame, akaba ari nawe mukobwa rukumbi uba muri uyu muryango w’abana bane. Yavukiye i Burussels mu Bubiligi tariki 8 Nzeri 1993, akaba yizihiza isabukuru y’imyaka 23 y’amavuko kuri uyu wa Kane.


style="display:block"
data-ad-client="ca-pub-5056468503741966"
data-ad-slot="2194852936"
data-ad-format="auto">

Ange Kagame avukana n’abahungu batatu, musaza we mukuru Yvan Cyomoro Kagame na basaza be bato kuri we Ian Kagame na Brian Kagame. Muri iyi nkuru, turabagezaho ibintu 5 by’ingenzi ukwiye kumenya kuri Ange Kagame, twifashishije ibyagiye bimuvugwaho mu binyamakuru bitandukanye.

1. Ange Kagame ni umuhanga cyane, abo biganye baramurahirira

Tariki 18 Gicurasi 2015, nibwo Ange Ingabire Kagame yarangije icyiciro cya kabiri cya Kaminuza muri Kaminuza yitwa "Smith College", ishuri ryigenga ry’abakobwa riherereye muri Leta ya Massachusetts muri Leta Zunze Ubumwe za Amerika, akaba yarize mu ishami ry’ubumenyi mu bya Politiki (Political Science).

Nk’uko bigaragara ku rubuga rwa Wikipedia, uyu mukobwa wa Perezida wa Repubulika y’u Rwanda, yari umuhanga cyane muri iyi Kaminuza aho yagiraga amanota yo mu rwego rwa mbere, muri iri shuri kandi akaba yari umunyeshuri ukundwa bikomeye na bagenzi be biganaga.

2. Ibintu Ange Kagame akunda mu buzima bwe n’ibimushimisha muri rusange

Mu biryo Ange Kagame akunda kurya, harimo capati, isombe n’amandazi. Mu bijyanye no kwishimisha, Ange Kagame akunda cyane umukino wa Basketball, by’umwihariko akaba afana ikipe ya Boston Celtics yo muri NBA. Akunda kandi imikino muri rusange, akaba anakunda kugaragaza ko akurikirana cyane imikino y’umupira w’amaguru.

JPEG - 76.3 kb
JPEG - 109.9 kb

Mu makipe mpuzamahanga afana, harimo ikipe ya Arsenal ahuriyeho n’umubyeyi we Paul Kagame uri mu banyacyubahiro bazwiho gukunda no gushyigikira cyane iyi kipe yo mu gihugu cy’u Bwongereza.

JPEG - 132.5 kb

Mu bindi bintu akunda cyane, harimo n’umuziki. Dushingiye ko byo yitangarije mu mwaka ushize, indirimbo z’abahanzi bo muri Nigeria ziri mu zimugera ku mutima. Urutonde rw’indirimbo yatangaje ko arimo kuryoherwa nazo muri Gashyantare 2015, hagaragaraho indirimbo imwe y’umuhanzi nyarwanda, iyo ikaba ari Yantumye ya King James.

Ku rutonde rw’indirimbo 9 yatangaje icyo gihe, hariho Carolina ya Flavour, Collabo ya PSquare hamwe na Don Jazzy, Fine Boy ya Magasco, Flavour ya Ikwokrikwo, Ifeoma ya PSquare, Ojuelegba ya Wizkid, Sankolo ya Zeez, Holla at Your Boy ya WizKid n’iyi Yantumye ya King James. Ibijyanye n’umuziki ariko byo, abinyujije ku rubuga rwa twitter akunda kugaragaza ko hari nyinshi akunda. Mu minsi yashize, yavugaga ko akunda cyane iyitwa “Stay With Me” ya Sam Smith.

3. Abantu b’icyitegererezo Ange Kagame afatiraho urugero (Role Model)

Abantu Ange Kagame afatiraho urugero (Role model) ni ababyeyi be, Perezida Paul Kagame n’umufasha we Jeannette Kagame, kuko n’ubwo baba bikoreye umutwaro uremereye ute, dore ko bakora n’akazi gafatwa nk’aka mbere kagoranye ku isi, batajya babura umwanya na rimwe mu buzima bwe (Ange Kagame) n’ubw’abavandimwe be, yewe no mu tuntu duto cyane. Ange Kagame avuga ko abantu benshi bananirwa kwita ku miryango yabo kubera imirimo bakora ariko akaba akunda ukuntu ababyeyi be bombi bafatanya kwita ku muryango kandi bakabibasha.

Ange Kagame kandi, afata Perezida Paul Kagame nk’umurwanashyaka, kuko yanyuze mu nzira y’inzitane, ariko bikaba byaramwubatse, ntibimuce intege. Avuga ko amwemera nk’umugabo ukomeye mu buryo ntagereranywa. Naho umubyeyi we Jeannette Kagame, amufata nk’umuntu utikunda kandi uhamye, ufatiye runini umuryango we, kandi akaba akoresha uko ashoboye ngo abo akunda bagubwe neza.

4. Ange Kagame ni umukobwa usabana kandi ukunda gufasha abababaye

Ange Kagame akunda kugaragara nk’umukobwa usabana kandi uganira na buri wese ku mbuga nkoranyambaga, aho akunda gukoresha cyane urubuga rwa Twitter, akurikirwaho n’abantu barenga 62.000. Usanga Ange Kagame atera urwenya kandi asubiza buri wese ushobora kugira ibyo amubaza binyuze ku mbuga nkoranyambaga.

Mu bijyanye no gufasha, Ange Kagame yakoze benshi ku mutima muri Nzeri umwaka ushize ubwo umunyamakuru Edmund Kagire wari urwaye Kanseri, yateranyirizwaga amafaranga ngo ajye kwivuza mu Buhinde. Mu batanze inkunga igaragara mbere y’uko Leta yemera kumufasha, harimo na Ange Kagame watanze amadolari ya Amerika 1500, uyashyize mu manyarwanda ubu yaba asaga 1.200.000.

5. Ange Kagame ari mu bakobwa b’abakuru b’ibihugu bya Afurika bahiga abandi mu buranga

Uretse kuba n’abantu benshi ku giti cyabo badashidikanya ku buranga bwa Ange Kagame, hari n’ibinyamakuru bitandukanye byagiye bibigarukaho ndetse ashyirwa ku rutonde rw’abakobwa beza kurusha abandi b’abakuru b’ibihugu bya Afurika. Urutonde rw’abakobwa 8 b’abakuru b’ibihugu bya Afurika bafite uburanga budashidikanwaho, rwakozwe n’ikinyamakuru Africa Ranking mu mwaka wa 2015, Ange Kagame akaba ari mu baza ku isonga mu buranga.

AMAFOTO YA ANGE KAGAME MU BIHE BITANDUKANYE:

JPEG - 189.8 kb

JPEG - 128.2 kb

KANDA HANO UREBE VIDEOS UTASANGA AHANDI