Ibitaro bya Kibungo byasobanuye ko ibyo gutera umwana icyuma ari ikinyoma

Chief Editor | 20-05-2016
Ibitaro bya Kibungo byasobanuye ko ibyo gutera umwana icyuma ari ikinyoma

Nyuma y’inkuru twabagejejeho mu ntangiro z’iki cyumweru iguga ko ibitaro bya Kibungo biherereye mu karere ka Ngoma mu Ntara y’Uburasirazuba, bishinjwa uburangare n’umuryango w’umwe mu babyeyi bahabyariye, akaza kubyara umwana upfuye, umuyobozi w’ibi bitaro yasobanuye uburyo umugabo w’uwo mubyeyi yitiranyije ibintu nyamara ntako abaganga batari bagize.

Ku Cyumweru tariki 15 Gicurasi 2016, nibwo Uwayezu Gaudence ukomoka mu murenge wa Rukira mu karere ka Ngoma, yajyanywe mu bitaro bya Kibungo aho yoherejwe n’ikigo nderaguzima, afashwa n’abaforomo bo muri ibi bitaro ku mugoroba w’uwo munsi, umwana aza gupfa nyuma yo kuvuka ariko Se w’umwana ashinja abaforomo uburangare, nyamara umuyobozi w’ibitaro akavuga ko ntako batagize ngo bite kuri uwo mubyeyi.

Dr Namanya William uyobora ibi bitaro bya Kibungo, yatangarine Ukwezi.com ko uwo mubyeyi yageze ku bitaro yoherejwe n’ikigo nderabuzima, akitabwaho n’abaganga ariko bakabona ko umwana yananiwe bakiyemeza kubaga umubyeyi, ndetse icyo gihe bikaba byarasobanuriwe umubyeyi na nyirabukwe wari waje amuherekeje. Akomeza avuga ko umwana yavutse atameze neza, nabwo abaganga bakamwitaho ariko akaza guhita ashiramo umwuka. Asobanura neza ko iby’uko umwana yari afite ibyago byo gupfa bari babanje no kubisobanira nyina mbere y’uko bamubaga, bashingiye ku bipimo byerekanaga ko umwana yazahaye.

Iyi karito iriho igitambaro cy’umweru, niyo yari irimo umurambo w’uwo mwana. Photo: Etienne Mivumbi

Ku bijyanye no kuba uyu muryango waravuze ko umwana yavukanye igikomere ku mutwe bagakeka ko yatewe icyuma n’abaforomo babyaje nyina, Dr William avuga ko ibi bidashoboka ndetse agashimangira ko umwana avuka n’ubusanzwe afite amaraso umubiri wose, ariko akaba atarigeze akomeretswa. Avuga ko n’ubwo umugabo w’uwo mubyeyi bwacyeye agaragaza ko umugore we yarangaranywe, ngo atari ari kumwe nawe ubwo yageraga kwa bitaro, agasanga iyo aba ahari yari kwibonera ko abaganga ntako batagize ngo bamwiteho.

KANDA HANO UREBE VIDEOS UTASANGA AHANDI