konka coffee
KONKA

AMAKURU

UKWEZI

Impamvu 5 zaba zatumye Dr Agnes Binagwaho akurwa ku mwanya wa Minisitiri w’Ubuzima

Impamvu 5 zaba zatumye Dr Agnes Binagwaho akurwa ku mwanya wa Minisitiri w’Ubuzima
12-07-2016 saa 07:12' | By Chief Editor | Yasomwe n'abantu 32139 | Ibitekerezo 26

Kuri uyu wa Kabiri, Dr Agnes Binagwaho yakuwe ku mwanya wa Minisitiri w’Ubuzima yari amazeho imyaka 5. Nk’uko bigaragara, ntiyahise asimburwa, bisobanura ko impamvu yakuweho ifitanye isano n’umusaruro udashimishije yatangaga, icyabanje gukorwa kikaba ari ukuvanwa ku kazi yakoraga, mbere yo gushaka umusimburaho. Hari impamvu z’ibyo yagiye agayirwa, bishoboka cyane ko ari zo ntandaro zo gukurwa kuri aka kazi.

Dr Agnes Binagwaho, mu mezi macye ashize yagiye agarukwaho cyane bitewe n’amakosa menshi yakozwe na Minisiteri yayoboraga, aya makosa akaba ari nayo yatumye atumizwa kenshi mu Nteko Ishinga amategeko ngo yisobanure, bikarangira abadepite batanyuzwe n’ibisobanuro bye kugeza ubwo mu mwaka ushize Inteko Rusange yemeje ko hashyirwaho Komisiyo idasanzwe yakomeza gukurikirana ibisobanuro ku bibazo byabajijwe Dr Agnes Binagwaho.

Izi ni zimwe mu mpamvu eshanu zishobora kuba zagize uruhare mu gukurwa ku kazi kwa Dr Binagwaho:

1 - Ibyemezo bifatirwa abaganga bigira ingaruka ku buzima bw’abanyarwanda.

Ubwo yitabaga Inteko Ishinga Amategeko tariki 1 Mata 2015, Dr Agnes Binagwaho yagaragarijwe n’abadepite ko ibyemezo bifatirwa abaganga byagira ingaruka mbi ku buzima bw’abanyarwanda. Kuri uwo munsi, Abadepite babwiye Dr Agnes Binagwaho ko ntacyo Minisiteri ayobora ikora ngo itere akanyabugabo abaganga, ikindi ibyemezo bibafatirwa bakaba batabigiramo uruhare kuburyo bishobora gutuma bakora akazi batakishimiye bikagira ingaruka mbi ku buzima bw’abanyarwanda.

2 - Ikibazo cy’ubwisungane mu kwivuza cyagaragaye nk’igiteye inkeke

Mu kwezi k’Ukwakira 2012, nyuma y’umwaka umwe gusa agizwe Minisitiri w’ubuzima, Dr Agnes Binagwaho yatangiye guhatwa ibibazo ku bijyanye n’ikibazo cy’ubwisungane mu kwivuza. Icyo gihe yitabye mu Nteko Ishinga amategeko, nyuma yo gutumizwa n’ Abadepite bagize komisiyo ishinzwe kugenzura imikoreshereze y’imari ya Leta. Ibibazo yahaswe n’Abadapite icyo gihe, birimo iby’imyenda urwo rwego rwa Minisiteri y’Ubuzima rwari rufitiye ibitaro n’ibigo nderabuzima ingana na miliyari zirenga eshatu, ibigo bimwe na bimwe bitishyurira abakozi babyo, abaturage badatanga amafaranga y’ubwisungane mu kwivuza, amafaranga yanyerejwe n’ibindi. Aha ibisobanuro yatanze ntibyanyuze abadepite.

Tariki 1 Mata 2015 kandi, Abadepite bongeye kubaza Dr Agnes Binagwaho gutanga ibisobanuro ku igabanuka ry’abanyarwanda bitabira kwishyura ubwisungane mu kwivuza, aho mu mwaka wa 2010 bwari bugeze kuri 91% , naho mu mwaka w’2013 -2014 bukaba bwarageze kuri 73%. Bagaragaje ko biteye agahinda, kuko hari hashize igihe ibindi bihugu biza kwigira ku Rwanda. Aha naho Dr Agnes Binagwaho yatanze ibisobanuro ariko abadepite ntibanyurwa nabyo.

3 - Ikibazo cy’inzitiramibu zaguzwe zitujuje ubuziranenge, zatumye Malariya ikaza umurego.

Mu bibazo by’ingutu byagiye bibazwa Dr Agnes Binagwaho, harimo icy’inzitiramibu zaguzwe na Minisiteri y’Ubuzima kandi zitujuje ubuziranenge, bigatuma Malariya izamuka, na nyuma hakishyurwa amafaranga yo kujya kuzisuzumisha bagasanga zitakanga umubu. Ubwo yahatwaga ibibazo n’abadepite muri Mata 2015, Binagwaho yavuze ko Leta izarega uruganda rwitwa "Netprotect" rwabahangitse inzitiramibu miliyoni eshatu zatwaye akayabo k’amafaranga y’u Rwanda asaga miliyari icumi na miliyoni magana atanu (10,500,000,000). Aha naho ntabwo abadepite bigeze banyurwa n’ibisobanuro bya Dr Binagwaho.

4 - Ikibazo cy’ibikoresho Minisiteri y’ubuzima yaguze bigapfa ubusa

Mu bindi Dr Agnes Binagwaho yanenzwe, harimo kuba Minisiteri y’Ubuzima yaraguze ibikoresho bitandukanye byagiye biyitwara akayabo, nyamara bikangirika bidakoreshejwe, ibindi birimo n’imiti bikagurwa bitujuje ubuziranenge. Urugero ni nk’ibikoresho byoherejwe ku bitaro bya Shyira bisaba umuriro w’amashanyarazi, Minisiteri y’Ubuzima ikaba yarabyohereje izi ko nta muriro uhari.

Ibindi Abadepite bagaragaje umwaka ushize, ni nk’ibyari biryamye mu bitaro bya CHUK byifashishwa mu kuvura impyiko, ariko ngo byari bihabitse ntibikoreshwe, ndetse n’ibyo mu bitaro bya Bushenge n’ibya Shyira byaguzwe bitujuje ubuziranenge. Dr Agnes Binagwaho yagerageje kwisobanura, arikoabadepite ntabwo banyuzwe.

5 - Inyerezwa ry’amafaranga y’ibitaro n’ibigo nderabuzima ryateje impagarara

Muri Gicurasi uyu mwaka, hari abayobozi b’ibitaro batawe muri yombi barimo abahoze bayobora cyangwa bakiyobora ibitaro, abacungamari, abashinzwe abakozi n’abagenzuzi, bafunzwe bakekwaho kunyereza no gukoresha nabi agera kuri miliyoni 800 z’amafanga y’u Rwanda.

Hari amakuru agera ku kinyamakuru Ukwezi.com avuga ko n’ubwo hatawe muri yombi abayobozi b’ibitaro, nyuma hari abayobozi bakuru muri Minisiteri y’ubuzima byagaragaye ko bagize uruhare rugaragara muri iryo sesagurwa n’inyerezwa ry’amafaranga yagenewe ibikorwa rusange by’inyungu z’abaturage.

Hari n’andi makuru kandi yemeza ko hari abanyereje umutungo wa Leta binyuze muri Minisiteri y’Ubuzima, Dr Agnes Binagwaho akabakingira ikibaba ubwo hakorwaga ubugenzuzi ku kayabo k’amafaranga banyereje.


Tanga Igitekerezo
Ibitekerezo 26
Emmanuel Nizeyimana Kuya 6-11-2016

muri politic bisaba kwitonda kandi ugakurikiza amahame uyumubyeyi yihangane yigiremo byinshi turamukunda.

KAMABERA Kuya 27-07-2016

NDUMVA YAZIRA AMAKOSA YE BWITE ATAZIRA N’AY’ABANDI!!!!!!!!!!!!!!!!!!!!
AZABUZA ABARYA KURYA SE!!!!!!!!!!!!!!!NTIBAHANWE SE!!!!!YABIZIRA ATE.?
IGUYE NTAYITAYIGERA IHEMBE,IBI KO MUTABIVUGAGA ATARAKURWAHO,MUBIMENYE UBU SE!!!!!!!!!!!!!!!!!!!!!!!!!!!!!!!

Emma Kuya 20-07-2016

Yewe nakekaga ko Binagwaho afite igiti. Bazagenzure neza hari yaryaga ruswa abinyujije ku bakozi be muri ministeri yabona ko igenzura rizabavumburwa akabashakira bourse bakajya kwiga. Nagende yari umuhanga mu kurya ruswa.

Nyirahabineza Kuya 19-07-2016

Uriya mugire yari yaratwishe
umuntu wakuyeho agahimbazamutsi kandi we akakagumana!!!!!!

Rwose minister mushya agasubizeho kanda aduhe nibirarane binagwaho yatubujije

Nyirahabineza Kuya 19-07-2016

Uriya mugire yari yaratwishe
umuntu wakuyeho agahimbazamutsi kandi we akakagumana!!!!!!

Rwose minister mushya agasubizeho kanda aduhe nibirarane binagwaho yatubujije

kalisa Kuya 15-07-2016

Ariko Muzi iyi ministeri ukuntu yari yarabaye umwanda,Ikimenyane ,icyenewabo,Ruswa,ingengabitekerezo ya kivanguramoko,urudubi rwibibazo,MINISANTE YARABOZE KEREKA NIBURA BAGARUYE NTAWUKURIRYAYO, iBIGONDERABUZIMA NUKWIRIRA AMAFARANGA GUSA!IBITARO NI AMATIKU GUSA NO KWIRIRA AMAFARANGA!INZEGO Z’UBUZIMA Z’UTURERE NI ZA RUSWA NO GUKORA IBIBARE BY’IBIHIMBANO GUSA,MINISTERE UZAJYAHO NDAMUSABYE AZAGERE AHITWA NYARUGURU,RUSIZI,ZA NYAMATA AREBE IBITARO N’UTURERE MU MIVURIRE UMWANDA GUSA

rukaza Kuya 15-07-2016

Ariko murarenganya Minisitre w’Ubuzima...! Hari ibintu byinshi bibitera! Urugero rworoshye: Usanga aba Titulaires b’ibigo Nderabuzima bahora mu ma nama hirya no hino,kandi atajyanye n’iby’ubuzima,nguwo ahagarariye ishyaka runaka mu rwego rw’Umurenge, mu Karere se,... kandi Ubuyobozi bw’Akarere buba bubizi ko uwo muntu afite inshingano zikomeye zo kwita ku buzima bw’abantu!!! Mwarangiza ngo ikibazo ni Ministre...???!!! Ibintu birapfira ahantu henshi...! Raport bazikorerwa n’ababungirije...!!?? Nibidahindurwa,abantu bazashira bishwe no kutitabwaho! Intumwa za Rubanda zizabituvugireho, ntabwo Titulaire yagombye kujaraganya ngo aha ni ukugira ngo yigireho ubudahangarwa...!

suzanne Kuya 14-07-2016

Ngaho rero nibafungure bariya baganga bafunze bikorere akazi kabo.

musengayire Kuya 13-07-2016

ikibazo siwe buriya azize ikipe ye yakinanaga nayo.capitaine wikipe ntabwo ariwe uha ikipe gutsinda.buri mukinnyi agomba kugira ishyaka agakora ibishoboka byose ikipe ye igatsinda.

KAMIKAZI Alice Jeanne Kuya 13-07-2016

yewe harakabaho KAGAME ureba kure Binagwaho ntacyo yari amariye abanyarwanda ntashaka kuvuga ngo twumve icyakora leta igenzure imitangire y’akazi kuri ba titulaire ba cs bica bagakiza

KAMIKAZI Alice Jeanne Kuya 13-07-2016

yewe harakabaho KAGAME ureba kure Binagwaho ntacyo yari amariye abanyarwanda ntashaka kuvuga ngo twumve icyakora leta igenzure imitangire y’akazi kuri ba titulaire ba cs bica bagakiza

Rukundo Kuya 13-07-2016

Ese reka nibarize uriya wavuze diplome za congo iyo babakoresheje icyo kizamini cya cancel ntabwo bastinda? ese abaswa nabize muri congo gusa ? ahaaa mujye mwicecekera kuko dufite aba docteur baba congomani kdi bazi kuvura .

UWITONZE Kuya 13-07-2016

yego nikoko minisante yakoraga amakosa menshi,yaba ikibazo cya malariya yiyongereye bikabije,ariko kandi nikibazo cyabaganga nabaforomo ba baswa bagiye kutumaraho abantu nacyo giteye inkeke,barebe uko bagikosora kabisa.

UWITONZE Kuya 13-07-2016

yego nikoko minisante yakoraga amakosa menshi,yaba ikibazo cya malariya yiyongereye bikabije,ariko kandi nikibazo cyabaganga nabaforomo ba baswa bagiye kutumaraho abantu nacyo giteye inkeke,barebe uko bagikosora kabisa.

Venuste Tizzo Kuya 12-07-2016

Nukuri ibye ni agahoma munwa gusa reka turebe uzamusimbura amatwara azazana. Gusa mbona buri mu minister agira amategeko ndetse n’amahame ye!

BIRABABAJE Kuya 12-07-2016

Uzasimbura BINAGWAHO azakurikirane n’ikibazo cya Telephone zaguzwe zikoherezwa mu bigo nderabuzima na Hospital zari zarakoreshejwe ( pilate).
ntizikora zahise zipfa zidakoze ibyo zaguriwe ( zari izo gukoreshwa muri gahunda yo kurandura malaria)

Nkaka Kuya 12-07-2016

Binagwaho numwirasi mubi ntakunda ururimi rwe arahubuka mumagambo yiyemeraga kubi ahubwo sinzi uko nashimira President wacu areba kure, binagwaho yadindije abaganga kdi aribo baramira ubuzima bwacu yiyemeraga kubi kdi ntamvura idahita

combin Kuya 12-07-2016

Ahaaa!! utabusya abwita ubumera!

TUMUSHIME Kuya 12-07-2016

nibisubirwemo bibuke nabariya bajyanama bubuzima bakorera mumidugudu
badahebwa kandi basigaye bafasha abaturage mukubavura ariko ntibagire nishimwe babaha.

Ruhago Kuya 12-07-2016

MUSHIKIWABO NAWE YISUBIREHO ATAZABA NKA BINAGWAHO! KUBONA IBIHUGU BYISI YOSE. NORVEGE YONYINE ARIYO ITWIHANGANISHA KUBASIRIKARE BAKOMEREKEYE SUDANI! Yikosore yikosore. (reba IZUBA RIRADHE)

Loki n Kuya 12-07-2016

Amakosa nasangiye bose
Bantu bakora military hakenewe ivugurura koko abatica amazi nabaswa

dkarren@gmail.com Kuya 12-07-2016

health domain yari ishobowe ahubwo na Binagwaho kuko Abaganga bari barigize akaraha kajyahe! Abafite diplome z’impimbano, abize ikigoroba za Congo n’ahandi bari bamaze kugabanuka mu mavuriro barahungiye muri za sauna massage na Help Life Reflexiology ubu bagiye kugaruka!

uzamusimbura wese azakomeze kwita kuri ziriya commitees z’Abaganga, abaforomo n’ababyaza kuko zafashije gukumira Abaswa mu mwuga.

kabera Kuya 12-07-2016

HARI ICYANYOBYEYE,ABAYOBOZI BIVUGISHA IBYONGEREZA GUSA KURI RADIO BABWIRA ABATURAGE,IYO BASUYE BENE WABO MU CYARO BAGANIRA GUTE???MU MAKURFU YA MU GITONDO,USHINZWE UBUHINZI NAWE ATI:DUCA COST BITEWE N’IBYO UMUNTU ARI KWIRIGEYITINGA!!!!!!!!!!!!!!!!!ASHINZWE ABAHINZI BAGERA KURI 90 N’IBINDI KU IJANA MU RWANDA!!ABAHINZI BUMVISE IBYO YAVUZE NI BANGAHE URETSE ABIZE BIKORERA UWO MWUGA,NI AKUMIRO,INTEKO Y’URURIMI N’UMUCO IRACYAFITE AKAZI,MPERUKA BIRIYA BARABIKOSOYE,UMUYOBOZI UVUGA ABATURAGE NTIBAMWUMVE ABA ABAMARIYE IKI?????????????????????

ROSINE Kuya 12-07-2016

jyewe yatumye nzinukwa umwuga wanjye na kundaga ubu nsigaye nicaye kuko yari yaranshiye integer. gusa bahindure minisante kuko yarigeze habi hari by I byo guhindura byapfuye. murakoze.

health Kuya 12-07-2016

ikibazo cya community health workers babaga recruted mu ma health centers no mu bitaro kuburyo budasobanutse nacyo cyari giteye inkeke

Rwangombwa Kuya 12-07-2016

Aha nanjye ndemeranya namwe, ibyo bintu byari byaramunaniye mwongeremo no guca intege abaganga! Kwirukanwa hutihuti no kubaka agahimbazamusyi, burya uba usubije umuntu hasi kandi birababaza.

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA