Bidasubirwaho, inyubako ya mbere ihenze ku mugabane wa Afurika ubu iri i Kigali - Amafoto

Chief Editor | 8-10-2016
Bidasubirwaho, inyubako ya mbere ihenze ku mugabane wa Afurika ubu iri i Kigali - Amafoto

Kigali Convention Center (KCC), ni inyubako nshya iherereye ku Kimihurura mu mujyi wa Kigali, ikaba ari inyubako yubatswe na Kompanyi yitwa Ultimate Concepts Limited (UCL). Iyi nyubako kugeza ubu, ubushakashatsi bugaragaza ko ari yo ihenze kurusha izindi zose zo ku mugabane wa Afurika, ubaze izo mu myaka yashize ndetse n’izo mu myaka ya vuba zihagaze ku butaka bw’umugabane wa Afurika.

Nk’uko bigaragazwa n’urutonde rwakozwe na Africa Ranking mu mpera z’umwaka ushize wa 2015, mu gihe Kigali Convention Center yari itararangira kubakwa, inyubako yari ihenze kurusha izindi muri Afurika ni iyo mu Misiri, ariko akayabo ka miliyoni yatwaye ngo yubakwe, kari munsi mu buryo bugaragara ugereranyije n’akagiye kuri iyi nyubako yo mu mujyi wa Kigali ibura gato cyane ngo irangire, bivuga ko kugeza ubu, Kigali Convention Center ari yo nyubako ya mbere ihenze kurusha izindi zose zo ku mugabane wa Afurika.

Duhereye kuri uru rutonde rwakozwe mu mwaka ushize tukongeramo na Kigali Convention Center, tugiye kubagezaho urutonde rw’inyubako 10 zihenze kurusha izindi muri Afurika, aha turahera ku mwanya wa 10 tumanuka:

10. Hilton Taba Resort and Nelson Village - $41 Million

Inyubako yitwa Hilton Taba Resort and Nelson Village, iherereye ahitwa Taba mu majyepfo ya Sinai mu Misiri. Iri hafi y’inyanja itukura, ikaba yarubatswe ahagana mu 1980, iza kugurwa na Guverinoma ya Isiraheli ariko baza kongera kuyisubiza Misiri ku buntu mu 1989. Iyi nyubako, yuzuye itwaye akayabo ka miliyoni 41 z’amadolari ya Amerika, ni ukuvuga arenga 32.000.000.000 uyabaze mu mafaranga y’u Rwanda.

9. Maison des Députés, Yamoussoukro – $50 Million

JPEG - 138.5 kb

Iyi nyubako y’akataraboneka yitwa "Maison des Députés", iherereye mu mujyi wa Yamoussoukro muri Ivory Coast (Cote d’Ivoire) ikaba ifite ishusho ya piramide izengurutswe n’ubusitani na za pisine nyinshi. Iyi iraza ku mwanya wa 9 ikaba yaruzuye itwaye akayabo ka miliyoni 50 z’amadolari, ni ukuvuga arenga 39.000.000.000 uyabaze mu mafaranga y’u Rwanda.

8. Hilton Durban – $61 Million

JPEG - 195.3 kb

Hilton Durban ni inyubako iri mu mujyi wa Durban muri Afurika y’Epfo, ikaba ari inzu buri wese ugeze muri uyu mujyi ahita abona vuba cyane. Iyi nayo yatwaye akayabo ka miliyoni 61 z’amadolari ya Amerika, ni ukuvuga arenga 48.000.000.000 uyabaze mu mafaranga y’u Rwanda.

7. Michelangelo Towers – $64 Million

JPEG - 240.3 kb

Michelangelo Towers, ni hoteli ihenze yo muri Sandton muri Afurika y’Epfo. Iyi hoteli izwiho kuba yaragiye icumbikira ibyamamare nka Lady Gaga, Oprah Winfrey na Justin Bieber. Iyi yuzuye itwaye akayabo ka miliyoni 64 z’amadolari, ni ukuvuga arenga 50.000.000.000 uyabaze mu mafaranga y’u Rwanda.

6. The Pearls of Umhlanga – $138 Million

JPEG - 237.5 kb

The Pearls of Umhlanga, ni inyubako y’umuturirwa w’amazu 31 agerekeranye, ikaba ijya gusa n’imiturirwa yo mu mujyi wa Dubai. Iyi iherereye muri KwaZulu-Natal muri Afurika y’Epfo. Iyi nyubako yo yuzuye itwaye akayabo ka miliyoni 138 z’amadolari, ni ukuvuga arenga 110.000.000.000 uyabaze mu mafaranga y’u Rwanda.

5. Portside Tower – $138 Million

JPEG - 254.9 kb

Portside Tower, niyo nyubako ndende mu mujyi wa Cape Town muri Afurika y’Epfo. Iyi yatangiye kubakwa tariki 12 Kanama 2011, irangira muri 2014 itwaye akayabo ka miliyoni 138 z’amadolari, ni ukuvuga arenga 110.000.000.000 uyabaze mu mafaranga y’u Rwanda.

4. Corinthia Hotel Tripoli – $152 Million

JPEG - 3.6 Mb

Corinthia Hotel Tripoli, iherereye mu mujyi wa Tripoli mu gihugu cya Libya. Iyi ibamo hoteli y’inyenyeri ishanu yitwa Corinthia Bab Africa Hotel, ikaba iherereye rwagati mu mujyi wa Tripoli. Yafunguwe ku mugaragaro muri 2003, ikaba ari iya Maltese Corinthia Hotels International yayubatse itwaye akayabo ka miliyoni 152 z’amadolari, ni ukuvuga arenga 120.000.000.000 uyabaze mu mafaranga y’u Rwanda.

3. AU Conference Center and Office Complex o– $200 Million

JPEG - 78.4 kb

AU Conference Center and Office Complex, ni inyubako iherereye mu mujyi wa Addis Ababa muri Ethiopia, ikaba ikoreramo icyicaro cy’umuryango w’ubumwe bw’ibihugu bya Afurika. Iyi nyubako yubatswe ku nkunga ya Guverinoma y’u Bushinwa, niyo ndende kurusha izindi zoze muri Addis Ababa, ikaba ifite uburebure bwa metero zikabakaba ijana. Yuzuye itwaye akababo ka miliyoni 200 z’amadolari, ni ukuvuga akabakaba 160.000.000.000 uyabaze mu mafaranga y’u Rwanda.

2. Bibliotheca Alexandrina – $220 Million

JPEG - 90.2 kb

Bibliotheca Alexandria, ni inzu irimo isomero rikuru n’ikigo ndangamuco cya Alexandria mu Misiri. Aho yubatse hitegeye inyanga ya Mediterane. Iri somero, rifite umwanya w’ibitabo 8.000.000, ndetse iyi nyubako ikaba inarimo ubuso bungana na metero kare 70.000 abasura isomero bashobora gusomeramo. Iyi yuzuye itwaye akayabo ka miliyoni 220 z’amadolari, ni ukuvuga arenga 175.000.000.000 uyabaze mu mafaranga y’u Rwanda.

1. Kigali Convention Center - $300 Million

JPEG - 180.5 kb

Kigali Convention Center, ni inyubako iri mu mujyi wa Kigali, igeze ku kigero nk’icya 98% yubakwa, bivuga ko isa n’iyamaze kuzura, cyane ko biteganyijwe ko ari yo izaberamo inama y’Umuryango w’Ubumwe bw’Ibihugu bya Afurika iteganyijwe mu kwezi gutaha kwa Nyakanga. Nk’uko tubikesha urubuga rwa Comesaria.org kimwe na Wikipedia, iyi nzu izuzura itwaye akayabo ka miliyoni 300 z’amadolari, ni ukuvuga hafi 240.000.000.000 uyabaze mu mafaranga y’u Rwanda.

JPEG - 1.9 Mb
JPEG - 347.2 kb

Inyigo ya Kigali Convention Center yatangiye muri 2007, hashinjwa kompanyi ya Ultimate Concept Ltd yagombaga gushyira mu bikorwa uyu mushinga, urangize gutegurwa neza muri 2009. Iyi nyubako ya Kigali Convention Center igomba kuba irimo hoteli y’inyenyeri 5 ifite ibyumba 292, icyumba cy’inama kinini gishobora kwakira abantu 2600, icyumba cy’inama kiri mu rugero ndetse n’ibyumba by’inama bito bigera ku 10. Irimo kandi icyumba cyagenewe ibikorwa ndangamurage, ikagira n’umwanya mugari w’ibiro.

JPEG - 55.2 kb
JPEG - 44.8 kb
JPEG - 63.5 kb

KANDA HANO UREBE VIDEOS UTASANGA AHANDI