konka coffee
KONKA

AMAKURU

UKWEZI

Inzara iraca ibintu muri Nyagatare, bamwe mu baturage barimo guhungira muri Uganda

Inzara iraca ibintu muri Nyagatare, bamwe mu baturage barimo guhungira muri Uganda
12-05-2016 saa 10:19' | By Chief Editor | Yasomwe n'abantu 1522 | Ibitekerezo 2

Mupenzi George; umuyobozi w’akarere ka Nyagatare. Photo: Internet

Abaturage bo mu karere ka Nyagatare ko mu Ntara y’Uburasirazuba, bavuga ko barembejwe n’ikibazo cy’inzara ica ibintu muri aka karere, bamwe bakaba barabuze uko bagira bahungira mu gihugu cya Uganda. Ubuyobozi nabwo bwemera ko inzara ihari n’ubwo ibyo guhunga batabivugaho rumwe n’abaturage.

Bamwe mu baturage bo mu karere ka Nyagatare baganiriye n’ikinyamakuru Ukwezi.com, badutangarije ko ikibazo cy’inzara bakimaranye igihe ariko kikaba kimaze gufata indi ntera, ibiryo bikaba bibona umugabo bigasiba undi kuko bamaze kurumbya imyaka mu bihe by’ihinga bikurikirana.

Umwe muri bo wo mu murenge wa Rwimiyaga mu kagari ka Gacundezi, yagize ati: "Leta nidutabare, turashonje inzara yenda kutwica. Kuva imvura yagwa twe yaguye rimwe, imyaka ubu yarumye kandi n’iyo ubu yagwa ntacyo yaramira. Umuyobozi w’akagari aherutse gukoresha inama abwira abaturage ngo twihangane, ariko birakomeye ndetse abandi baturage benshi bakomeje kwigendera, abamaze kwihungira bajya muri Uganda ni benshi rwose"

Mu kiganiro n’ikinyamakuru Ukwezi.com, umunyamabanga nshingwabikorwa w’umurenge wa Rwimiyaga wo muri aka karere ka Nyagatare, yashimangiye amakuru y’uko abaturage bibasiwe n’inzara, bitewe n’uko mu gihe cy’ihinga gishize izuba ryabaye ryinshi imyaka y’abaturage ikarumba, none no muri iki gihe cy’ihinga bakaba ntacyo baramuye. Gusa uyu muyobozi yavuze ko ibyo guhunga atabihamya, kuko muri ako gace ngo hari benshi baba barahaje n’ubundi baturutse ahandi, kongera kwigendera akaba atabyita guhunga.

Mupenzi George uyobora akarere ka Nyagatare, nawe yabwiye ikinyamakuru Ukwezi.com ko inzara ivugwa muri Nyagatare koko ihari bitewe n’uko imyaka y’abaturage yarumbye, ubu bakaba baramaze gusaba ubuyobozi bw’Intara y’Uburasirazuba ngo bagire icyo bakora bagoboke aba baturage. Uyu muyobozi nawe, abajijwe iby’abahungira inzara muri Uganda, mu magambo macye yavuze ko byo ntacyo abiziho.


Tanga Igitekerezo
Ibitekerezo 2
nyirahategekimana jacpueline Kuya 13-05-2016

Andika Igitekerezo cyawe hano njye mbona Atari nyagatare honyine inzara yugarije njye mbona uturerere rwose tugize urwanda hafi ya rwose inzara niyose ahubwo nuko abayobozi batwo bangs kubishyira ahagaragara ari sinzi impamvu nanjye ubwanjye inzara iranyishe nihereyeho

nyirahategekimana jacpueline Kuya 13-05-2016

Andika Igitekerezo cyawe hano njye mbona Atari nyagatare honyine inzara yugarije njye mbona uturerere rwose tugize urwanda hafi ya rwose inzara niyose ahubwo nuko abayobozi batwo bangs kubishyira ahagaragara ari sinzi impamvu nanjye ubwanjye inzara iranyishe nihereyeho

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA