konka coffee
KONKA

AMAKURU

UKWEZI

Kamonyi: Yapfuye nyuma y’iminsi 2 akoze ubukwe, abakekwaho kumuroga baratwikirwa

Kamonyi: Yapfuye nyuma y’iminsi 2 akoze ubukwe, abakekwaho kumuroga baratwikirwa
19-08-2016 saa 12:17' | By Chief Editor | Yasomwe n'abantu 12167 | Ibitekerezo 4

Mu ijoro ryo kuwa Gatatu rishyira kuwa Kane w’iki cyumweru, nibwo abakecuru babiri bo mu mudugudu wa Kinkeri mu kagari ka Bitare mu murenge wa Karama wo mu karere ka Kamonyi batewe n’abantu bataramenyekana, babatwikira urugo maze abari ku irondo bahagoboka inzu itarafatwa. Ni nyuma gato y’uko hari umugabo wapfuye amaze iminsi abiri akoze ubukwe, aba bakecuru bagashinjwa kumuroga.

Mu kiganiro ikinyamakuru Ukwezi.com cyagiranye na CIP André Hakizimana, umuvugizi wa Polisi mu Ntara y’Amajyepfo, yaduhamirije iby’aya makuru avuga ko nyuma yo gupfa k’umugabo witwa Nsabimana wari umaze iminsi ibiri akoze ubukwe, abakecuru babiri basanzwe babana mu nzu bavuzweho n’abo mu muryango wa nyakwigendera kuba ari bo bamuroze.

Akomeza avuga ko urugo ruzengurutse inzu yabagamo aba bakecuru babiri, Yakaragiye Concilie na Mukamutana Anatalie, rwatwitswe n’abantu bataramenyekana ariko Polisi ikaba ikeka ko baba ari abo mu muryango w’uwo mugabo wapfuye, kuko aba bakecuru babanje kotswa igitutu n’abo muri uwo muryango babashinja kubarogera umuntu.

Kugeza ubu, Yakaragiye Concilie na Mukamutana Anatalie bahise bahunga bajya gushaka ahandi baba mu miryango, mu gihe Polisi yakoze iperereza hakabura ibimenyetso bifatika bishinja aba bakecuru kuroga Nsabimana, kandi inzego z’umutekano zikaba zaraganiriye n’abaturage zikabumvisha ko ibyakorewe abo bakecuru bidakwiye.


Tanga Igitekerezo
Ibitekerezo 4
NSHIMIYIMANA ALexis Kuya 24-08-2016

Ngendabona hakwifashishwa urugaga rwabavuzi gakondo bakajyabatahura abo bagome ubundi hagakurikizwa amatgeko.

kirenga Kuya 20-08-2016

Erega,ababarozi bitwaza ko ntakimenyetso gifatika police yabona,kuko ibyo bakoresha ari imyuka mibi,kandi ibyuma byabaganga bisanzwe bikaba bitapfa kubibona.Ubwo rero murumvako bazatumarira ku icumu.Mfite ariko igitecyerezo,ko leta yemereye abavuzi gakondo baramutse berekanye umuntu ukugirira nabi ntabwo yahanwa?ko abo bavuzi leta ibemera.

Narumiwe Kuya 19-08-2016

Ntanduru ivugira ubusa imusozi nibo. Arko abanyarda kweri ruracyafite ibituma tuzanatera imbere vuba abantu bagikoresha ibyo bihanya bakavutsa ubuzima abandi. Mana we jyira ugaruke iyisi ntiyoroshy namba

Nadia Kuya 19-08-2016

Yewe ibisigaye biliho kubageni bubu nagahomamunwa. Ejobundi nabwo twashyinguye umugabo wapfuye samedi amaze ukwezi nigice gusa ashatse. Nigusengera cyane ingo zubu cyanaliko

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA