Kigali: Hashyizweho ahantu hazajya hatangirwa udukingirizo amasaha 24/24 ku buntu

Chief Editor | 20-05-2016
Kigali: Hashyizweho ahantu hazajya hatangirwa udukingirizo amasaha 24/24 ku buntu

Mu turere twa Nyarugenge, Gasabo na Kicukiro tugize umujyi wa Kigali, hatangijwe gahunda yo gukwirakwiza udukingirizo tuzajya tubonerwa ubuntu amasaha 24 kuri 24, udukeneye wese akabasha kutubona mu rwego rwo korohereza abaturage kurwanya ikwirakwizwa ry’ubwandu bushya bwa Virusi itera SIDA

Iyi gahunda yatangijwe kuri uyu wa Kane n’ikigo cy’igihugu cy’ubuzima (RBC), gifatanyije n’umuryango mpuzahamahanga utanga ubufasha mu kurwanya SIDA (AHF/Rwanda), hashyirwa udukingirizo ahantu hane abadushaka bazajya batubona igihe cyose badushakiye kandi kubuntu.

Uduce tune tugomba gushyirwamo utwo dukingirizo, harimo i Gikondo na Giporoso mu karere ka Kicukiro, mu Migina hafi ya sitade Amahoro, aha hakaba ari mu karere ka Gasabo, naho muri Nyarugenge udukingirizo tukazajya tubonerwa ubuntu i Nyamirambo ahazwi nko kuri 40. Nyuma y’umujyi wa Kigali, hazakurikiraho utundi duce twibasiwe n’iki cyorezo.

Umujyi wa Kigali ari nawo ubamo abakora uburaya benshi, nicyo gice cy’u Rwanda kibasiwe cyane n’agakoko gatera SIDA. Abagera kuri 6.3% muri uyu mujyi banduye SIDA mu gihe mu zindi ntara abanduye bari ku kigero cya 2%. Mu bakora umwuga w’uburaya ho biri hejuru cyane muri uyu mujyi, kuko abagera kuri 51% banduye.

KANDA HANO UREBE VIDEOS UTASANGA AHANDI