konka coffee
KONKA

AMAKURU

UKWEZI

Kigali: Rehema usa n’uwajugunywe ari hagati y’urupfu n’ubuzima, ibye ni agahinda n’urujijo

Kigali: Rehema usa n’uwajugunywe ari hagati y’urupfu n’ubuzima, ibye ni agahinda n’urujijo
5-07-2016 saa 11:02' | By Chief Editor | Yasomwe n'abantu 11455 | Ibitekerezo 10

Mu bitaro bya Kibagabaga biherereye mu mujyi wa Kigali, hari umugore witwa Rehema ubayeho mu buzima buteye agahinda kuko ameze nk’uwajugunywe, dore ko amaze igihe kirekire mu bitaro nta buvuzi ahabwa, nta muryango umugemurira, ntiyitabwaho n’abaganga ndetse bagerageje no kumukura mu bitaro babura aho bamushyira.

Uretse kuba abarwayi n’abakora amasuku mu bitaro bya Kibagabaga bazi ko yitwa Rehema, nta kindi bazi ku mwirondoro we, aho akomoka n’andi makuru amwerekeyeho, gusa icyo bahurizaho ni uko bamubona nk’uwajugunywe kandi kandi akaba atitaweho na gato n’ibi bitaro. Nta muryango cyangwa undi muntu umuzi umugeraho, usanga buri wese umubonye atewe agahinda n’uko abayeho.

Abakozi bakora amasuku mu bitaro bya Kibagabaga, batangarije ikinyamakuru Ukwezi.com ko uyu mugore yageze muri ibi bitaro atavuga ndetse anafite uburwayi bw’ingingo zagagaye, ukuboko kumwe n’ukuguru kumwe bikaba bitarambuka (paralysis). Bemeza ko yitaweho n’abaganga iminsi micye, habura umuryango we ushobora kumwishyurira bakamureka. Ubu burwayi yari afite, n’ubu nibwo agifite, ariko arumva ndetse abasha no kurya iyo abarwariye mu cyumba kimwe na we bamugiriye impuhwe bakamuha.

Nta muganga umugeraho, nta miti ahabwa ndetse nta n’ikindi akorerwa, aryamye mu bitaro amezi menshi aho ameze nk’uwajugunywe, ndetse ibitaro byigeze kumusezerera ngo atahe ariko bibura aho bimushyira biramureka yiberamo. Hari umuforomo utarashatse ko amazina ye atangazwa, waduhamirije ko kuba nta buvuzi ahabwa, impamvu ari uko nta muntu uhari ushobora kumwishyurira, nawe akaba nta bushobozi afite.

Ikinyamakuru Ukwezi.com cyasanze uyu Rehema arimo kwitabwaho na Mukamurangira Viviane, umugore wiyemeje kujya asura abarwayi batagira abarwaza akabitaho, akabuhagira, akabogosha akanabasabira ibiryo, ibi byose akabikora nta kiguzi ahubwo akorera umugisha nk’uko abyivugira.

Mukamurangira Viviane, nawe nta makuru ahagije azi kuri Rehema, icyakoze hari abamubwiye ko yagwiriwe n’inzu aryamye ninjoro maze abana be bagapfa nawe agahita agira ubumuga bwo kugagara ingingo no kutongera kubasha kuvuga. Ibi ariko nabyo, nta gihamya yabyo ifatika ihari kuko nta muntu umuzi neza uboneka ngo avuge n’aho byaba byarabereye.

Abakozi b’ibitaro bya Kibagabaga bose ikinyamakuru Ukwezi.com cyabajije ibya Rehema, bageragezaga kubyihunza, bakagaragaza ko ntacyo babiziho ndetse batari mu bamukurikiranye. Ukuri nta kundi ariko, ni uko aba bose ntawe ugira icyo amufasha na kimwe.

Ubwo ikinyamakuru Ukwezi.com cyageraga muri ibi bitaro kuri uyu wa Mbere tariki 4 Nyakanga 2016, cyasanze umuyobozi wabyo Dr Osée Sebatunzi adahari maze mu kiganiro twagiranye ku murongo wa telefone, avuga ko iby’uyu murwayi atabizi, ko twakongera kumuhamagara yabibajije. Ubwo twakoraga iyi nkuru, nabwo yatubwiye ko atarabasha kuboneka, ikindi yadutangariza gishya tukaba twakibagezaho.

Rehema nta muntu uzi umuryango we, mu bitaro naho abamo ntacyo akorerwa n’abaganga

Hagati aho uwaba afite umutima wo gusura Rehema no kugira ikindi amufasha, yamusanga mu cyumba cya 7 mu bitaro by’abagore barwaye indwara zo mu mubiri imbere (medecine interne). Ushobora no guhamagara Mukamurangira Viviane urimo gukora igikorwa cy’urukundo cyo kuba amurwaje, kuri nimero 0788215162.

Menya byinshi kuri uyu Viviane Mukamurangira muri iyi nkuru: Mukamurangira wari umuforomokazi, yaretse akazi yiyemeza kuba umuja w’abarwayi batamuhemba


Tanga Igitekerezo
Ibitekerezo 10
Francoise Kuya 11-07-2016

Njye njye ndi muri Amerika ndashaka gufasha uwomuntu mumbwire uko mbigenza

EPIPHANIE Kuya 8-07-2016

MBEGA IBINTU BIBABAJE ! NONE SE UWAMUTANGIRA MUTUELLE ARI WENYINE IBITARO BYAYEMERA MAZE AKAVURWA NKABANDI?

mutesi Kuya 8-07-2016

iyo umuntu inzu imuguyeho ubuyobozi buramukurikirana bwaho yari atuye.yageze ate mubitaro?abayobozi bibitaro baragowe babazwa nibitabareba.gusa akeneye ubufasha ariko siwe wenyine uriyo ubabaye tumufashe dufasha nabandi

vivi Kuya 7-07-2016

Imana ihe umugisha Mukamurangira , ariko kandi ubuyobozi bw’ibyo bitaro nabyo byamukorera ubuvugizi sinon ahaguye bazabaza icyaha cyo gudatabara umuntu uri mu kaga.

sibobugingo fiston Kuya 6-07-2016

Ndabashimiye mwebwe muvuganira ababababaye Imana Ibahe umugisha natwe tuzamufasha.

sibobugingo fiston Kuya 6-07-2016

Ndabashimiye mwebwe muvuganira ababababaye Imana Ibahe umugisha natwe tuzamufasha.

uwera Kuya 5-07-2016

Ese n’a banyamkuru mwahageze mwe lwakoze oki mugutabara uwo murwayi

uwera Kuya 5-07-2016

Ese n’a banyamkuru mwahageze mwe lwakoze oki mugutabara uwo murwayi

Elise de Dieu Kuya 5-07-2016

Ntacyo ubwo tubonye numero z’uwo Musamariya mwiza Imana izadushoboza kugeraho kuburyo bworoshye kandi Imana imuhe umugisha kubwo kwitanga iyaba abntu twese twagiraga impuhwe ngo twibuke ko natwe ejo ari twe ntawaca kuwundi iyo(N.B Muzakurikire ikiganiro cya UBUNTU Association Modeste et Innocent gica kuri Radio SALUS ku cyumweru guhera saa moya na cumi nitanu kugeza saa mbiri (07h45’ -08h00 mu gitondo ) kugirango mumenye icyo bita ubumuntu no kuba umunyarwanda ariko si uko mutari bo ahubwo ni ukugirango tumenye byimbitse indangagaciro na kirazira by’umuco nyarwanda
Murakoze

kamana Kuya 5-07-2016

Ibyo ibintu ni ukubishoshoza neza none se uwo.umuntu urwariye kibagabaga yizanye mû bitaro. Ahubwo arasa ni uwo ivuga KO atanga ubufasha ku barwayi.

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA