AMAKURU

UKWEZI

Ku Cyumweru imodoka zizakumirwa mu muhanda uva mu mujyi ujya kuri Sitade Amahoro

Ku Cyumweru imodoka zizakumirwa mu muhanda uva mu mujyi ujya kuri Sitade Amahoro
25-05-2016 | By Chief Editor | Yasomwe n'abantu 4123 | Ibitekerezo 5

Ku bufatanye bw’ubuyobozi bw’umujyi wa Kigali n’ubw’ikigo cy’igihugu gishinzwe ubuzima RBC, mu Rwanda hagiye gutangizwa igikorwa kizwi nka "Car Free Day" gisanzwe gikorwa hirya no hino mu bihugu bitandukanye byo ku isi, imodoka zigakurwa mu mihanda imwe n’imwe hagasigara hagendamo abanyamaguru bakora siporo. Ni muri urwo rwego, umuhanda uva mu mujyi wa Kigali ukajya i Remera kuri Sitade Amahoro, ku Cyumweru tariki 29 Gicurasi 2016 imodoka zizabuzwa gucamo.

Nk’uko byatangajwe n’ubuyobozi bw’umujyi wa Kigali ku bufatanye na RBC mu kiganiro n’abanyamakuru, uyu muhanda uva mu mujyi wa Kigali rwagati guhera mu gace katageramo imodoka kazwi nka "Car Free Zone", ugakomeza ugana ahitwa Sopetrad, ugakomeza Kimihurura, ugaca ku Gishushu ukagenda ukagera i Remera kuri Sitade Amahoro, ku Cyumweru uzaba wemerewe gucamo abanyamaguru n’abatwaye amagare gusa. Ibi bizaba kuri iki Cyumweru ariko biteganyijwe ko ubutaha bizajya bikorwa buri cyumweru cya mbere cy’ukwezi.

Iki gikorwa, kigamije gukangurira abantu gukora siporo birinda indwara zitandura ariko zishobora kwirindwa binyuze mu gukora siporo, Dr Jeannine Mutesi uyobora RBC akaba avuga ko imibare y’abibasirwa n’izi ndwara igenda irushaho kwiyongera mu Rwanda.

Monique Mukaruliza uyobora umujyi wa Kigali, avuga ko kuba uyu muhanda uzakumirwamo imodoka ku Cyumweru, ntacyo bizica kuko hari indi mihanda izakoreshwa kandi n’ubusanzwe ku cyumweru abantu bamwe bakaba badakunda gukoresha uyu muhanda nko mu yindi minsi.

Igikorwa cya "Car Free Day" kandi, kinagamije kwerekana ko umuhanda utagenewe imodoka gusa, ahubwo ko n’abanyamaguru bashobora guhabwa umwanya wo kwisanzura umunsi umwe bakagenda nta muvundo w’imodoka bahura nawo.


Tanga Igitekerezo
Ibitekerezo 5
bertin ndikumana Kuya 28-05-2016

OK ibi nibyo. Kandi bibaye byiza ko bimenyekanye kare kuko ntawe bizatungura

juju Kuya 28-05-2016

Abayobozi bacu bareba kure ndabemera byari bikenewe rwose, rimwe mukwezi bibatwaye iki?

Eloise Kuya 25-05-2016

Nibyo rwosebirakwiye imodoka zizakoreshe umuhanda Uva mumugi na sonattube.

gg Kuya 25-05-2016

Yegoko mana arikose ibi biba byatekerejweho

yves Kuya 25-05-2016

Simbihakana ariko se kuki batagiye inyarutarama na kibagagaga ko naho harumuhanda ugera kuri stade amahoro nibura ho ko kucyumweru ababenshi birirwa mubipangu byabo aho guhitamo umuhanda nyabagerwa cyane nkuriya

IGURIRE
IBARUWA ZA JORIJI
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA