Mu mujyi wa Kigali hitezwe inyubako izaba irenze kure Kigali Convention Center

Chief Editor | 23-07-2016
Mu mujyi wa Kigali hitezwe inyubako izaba irenze kure Kigali Convention Center

Mu gihe inyubako ya Kigali Convention Center kugeza ubu ari yo bigaragara ko irenze izindi zose mu murwa mukuru w’u Rwanda, hari indi nyubako itegerejwe muri uyu mujyi izaba iyirenze kure, iyo ikazaba yitwa Nobilia.

Nobilia, ni yo nyubako yonyine mu Rwanda yakorewe inyigo ikaba yujuje ibikenewe byose kugira ngo yemerwe nk’iyujuje ibyangombwa byose by’inzu irambye. Kugeza ubu yabonye icyemezo nk’inyigo, ntabwo yari yubakwa yemejwe nk’iya mbere yizwe neza mu Burasirazuba n’Amajyepfo ya Afurika.

Igishushanyo cy’iyi nyubako cyakozwe n’umuhanga ukomeye mu rwego rw’isi, uwo akaba ari Carlos Arroyo, ukomoka muri Espagne, ikaba izubakwa ahateganye n’Isangano ry’ibanze ry’Umujyi wa Kigali. Ni inyubako ihambaye y’Umunyarwanda ukomoka mu Butaliyani.

JPEG - 99.9 kb

Iyi nyubako yanyuze mu nzira zigezweho zo kuyemeza (certification) hakoreshejwe uburyo buyoborwa na Afurika y’Epfo, ubw’Abanyamerika, ubw’i Burayi, n’ubwa Singapore n’ubwitwa Green Stars, kandi muri aka karere nta yindi nyubako iyirusha kuba nziza mu buryo yizwe bwayihesheje guhabwa inyenyeri esheshatu.

Iyi nyubako izaba ifite ikoranabuhanga riyigize rituma idashobora kuba imwe mu zahumanya ikirere, ikoresha amashanyarazi n’amazi make cyane, ifite amatara yiyatsa wavamo akizimya, ifite ibitambari byo mu nzugi n’amadirishya (rideaux) bikoreshwa n’ikoranabuhanga n’utundi dushya twinshi.

JPEG - 180.5 kb
JPEG - 1.9 Mb
JPEG - 347.2 kb
JPEG - 55.2 kb
JPEG - 44.8 kb
JPEG - 63.5 kb

Inyubako ya Kigali Convention Center kugeza ubu niyo nyubako ihambaye mu mujyi wa Kigali.

Source: Imvaho Nshya

KANDA HANO UREBE VIDEOS UTASANGA AHANDI