konka coffee
KONKA

AMAKURU

UKWEZI

Muhanga: Umwarimukazi yatorotse nyuma yo kumena umwana ijisho bakarikuramo

Muhanga: Umwarimukazi yatorotse nyuma yo kumena umwana ijisho bakarikuramo
4-10-2016 saa 06:23' | By Chief Editor | Yasomwe n'abantu 8919 | Ibitekerezo 12

Umwarimukazi wo ku kigo cy’amashuri abanza cya Nyundo mu murenge wa Rongi mu karere ka Muhanga, yamaze gutoroka nyuma y’uko yari yamennye ijisho ry’umunyeshuri wo mu mwaka wa gatatu w’amashuri abanza yigishaga, uyu mwana akaba yaranabagiwe mu bitaro bya Kabgayi ijisho ryamenetse bakarikuramo.

Uyu mwarimukazi yitwa Nyiransabimana Francoise akaba amaze iminsi yigisha mu kigo cy’amashuri abanza cya Nyundo aho yaje asimbuye undi mwarimukazi uri mu kiruhuko cyo kubyara. Mu ntangiro z’ukwezi gushize nibwo yamennye ijisho umwana w’umukobwa yigisha mu mwaka wa gatatu, gusa uburyo yabikoze bwo ntibuvugwaho rumwe.

Twagirayezu Vedaste, umuyobozi w’ikigo cy’amashuri abanza cya Nyundo, mu minsi ishize yatangarije ikinyamakuru Ukwezi.com ko uyu mwarimukazi yafashe umunyafu agakubita umwe mu banyeshuri yigishaga wari wakubaganye, hanyuma akabaru k’uwo munyafu kagasimbuka kakikubita mu jisho ry’undi mwana rikagira ikibazo. Yavuze ko uwamenetse ijisho atari we wanahanwaga, agashimangira ko ibyabaye ari impanuka.

Ku rundi ruhande ariko, ikinyamakuru Ukwezi.com cyaganiriye na nyirarume w’umwana wamenwe ijisho, aduhamiriza ko ibyo ari ibintu batekinitse (bapfundikanyije babeshya), kuko ngo uwo mwarimukazi yakubise inkoni uwo mwana mu jisho, ijisho rigahita rimeneka. Ntiyemera ko ari undi mwana wahanwaga, n’iby’uko ari impanuka nabyo ntabikozwa.

Tariki 15 Nzeri 2016 ubwo twakoraga inkuru y’ihohoterwa uwo mwana yakorewe, umuryango we wavugaga ko ushavuzwa no kuba Nyiransabimana Francoise yidegembya mu gihe umwana wabo yamenetse ijisho, ndetse tariki 14 Nzeri nibwo ijisho ryabagiwe mu bitaro bya Kabgayi, birangira barikuyemo burundu, ubu umwana akaba asigaye arebesha rimwe.

Nyuma yo gutabaza k’uyu muryango wasabaga ko wahabwa ubutabera, nibwo Nyiransabimana Francoise yahise atoroka, kugeza ubu aho yacikiye hakaba hataramenyekana. Umurenge wa Rongi, niwo wemeye ko uzishyura amafaranga y’ubuvuzi bwahawe uyu mwana.

Uretse kuba gukubita no gukomeretsa ari icyaha gihanwa n’amategeko y’u Rwanda, amabwiriza n’amategeko ya Minisiteri y’Uburezi nayo ntiyemera ko abanyeshuri bahanwa hakoreshejwe inkoni.

Ingingo y’150 mu gitabo cy’amategeko ahana ibyaha mu Rwanda, ivuga ko iyo gukubita cyangwa gukomeretsa umuntu byateye indwara idakira, ubumuga buhoraho butuma ntacyo akora, kubuza burundu umwanya w’umubiri gukora no gutakaza igice cy’umubiri gikomeye, uwabikoze ahabwa igihano cy’igifungo kiva ku myaka irindwi (7) kugeza ku myaka icumi (10) n’ihazabu y’amafaranga y’u Rwanda kuva kuri miliyoni imwe (1.000.000) kugeza kuri miliyoni eshatu (3.000.000).

Iyo ukoze icyo cyaha yabigambiriye cyangwa yabitegeye igico, ahanishwa igifungo kuva ku myaka umunani (8) kugeza ku myaka icumi (10) n’ihazabu y’amafaranga y’u Rwanda kuva kuri miliyoni eshatu (3.000.000) kugeza kuri miliyoni eshanu (5.000.000)


Tanga Igitekerezo
Ibitekerezo 12
Nina Kuya 7-10-2016

Ariko ko numva muvuga ngo babaze aba n’aba... nta rwego rw’iperereza u Rwanda rugira??? Nimumbwire koko?? Ubu kuko atari umwana wa green hills wamenetse ijisho, ikinyamakuru nicyo kigiye gukora iperereza. Nikirangiza gitegereze igihe prezida azakorera conference de presse babaze icyo kibazo, maze urwego rubishinzwe ruvuge ngo "icyo kibazo turakizi nyakubahwa kandi iperereza ririmo gukora. ..." None ngo mwarimu yaratorotse. Ibi ni iki koko. Ibi bitangira nta guhana guhari bikarangira umuntu yihanira.

karinda Kuya 6-10-2016

ngo interahamwe? mujye muvuga ibyo muzasubiramo any time nawe waba yo isi ntisakaye

jk Kuya 5-10-2016

nimubaze abana bigana mutekuba mutumena amatwi

Elise de Dieu Kuya 4-10-2016

Murekere aho bavandi!!! ariko reka mbabaze, mwebwe mushyize mu gaciro uretse ko nyine iyo ikibazo kibaye buri wese akurura rishyira murumva umuntu muzima wigishijwe uburezi yakubita umwana mu jisho ,ahubwo se niba muvuga ko mwarimu yamukubize mujisho murebe kuzuru niba hari igikomere cyamburikranije amaso (bivuze ko iyo mwarimu akubita mumaso hari kuboneka igikomere mumusaya,cg kuzuru) naho kumwita interahamwe nawe bikubayeho wakwitwayo) directeur ndumva yaravuze ukuri

Abayisenga Bety Kuya 4-10-2016

Nibamushake Ahamwe Kuko Birakabije

beza Kuya 4-10-2016

ubu koko umuntu azagire ate???? cyokora barebe directeur ko nawe not ruhare abifitemo kuko ntakuntu wambwira ng umurezi yakuyemo ijisho.iyo nterahamwe ihigwe bukware ihanwe namategeko

Antonio Kuya 4-10-2016

Ese ubundi abobayobozi barenda bacura ibinyoma babicurikiranya mwabajije abana bigana nziko burimwana aba afite uwo bicarana ndumva rero babisobanura. neza kueusha directeuri utari uhari hakamenyekana niba yarahanaga uwo mwana cg ari uwundi tukibaza ese yamuhaniraga iki ?

Antonio Kuya 4-10-2016

Ese ubundi abobayobozi barenda bacura ibinyoma babicurikiranya mwabajije abana bigana nziko burimwana aba afite uwo bicarana ndumva rero babisobanura. neza kueusha directeuri utari uhari hakamenyekana niba yarahanaga uwo mwana cg ari uwundi tukibaza ese yamuhaniraga iki ?

Kumiro John Kuya 4-10-2016

Iyo nkozi y’ibibi yacitse ite ngo ibazwe ibyo yakoze ??? Arabeshya azafatwa aho yajya hose !! Uwo mwana se agize kajoriti yari yamukoreye iki koko ku buryo agomba gutakaza urugingo ???
Muzabere neza niba uwo mwarimukazi niba ntabo yishe muri 1994 !

Kumiro John Kuya 4-10-2016

Iyo nkozi y’ibibi yacitse ite ngo ibazwe ibyo yakoze ??? Arabeshya azafatwa aho yajya hose !! Uwo mwana se agize kajoriti yari yamukoreye iki koko ku buryo agomba gutakaza urugingo ???
Muzabere neza niba uwo mwarimukazi niba ntabo yishe muri 1994 !

Kiki Kuya 4-10-2016

Nta mpanuka mbonye aho. Nta soni? Ese ubwo uwo muyobozi we arimo kumva neza uburemere bw’ibyabaye? Umwana w’umukobwa atewe ubusembwa butazakira, yarangiza ngo accident!!! Ubundi se bene iyo mihanire yo ni bwoko ki ivuna inkoni? Ubwo uwo mwana se we wazikubitwaga yajyaga gusigara ameze ate? Ahaaaa nzaba mbarirwa. Gusa najya inama y’uko uyi ngirwa mwalimukazi yakurikiranwa

fabrice Kuya 4-10-2016

twomwarimu nimumufunge kuko arakabije umuntuyohereza umwana ngo agekwiga arimuzima yaranjyiza akamukuramo ijisho aha!turarwanya jonoside wakayigaruru mumuhanepe,

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA