Muhima: Umugabo yafashwe asambana n’umugore w’abandi yiruka yambaye ubusa

Chief Editor | 16-09-2016
Muhima: Umugabo yafashwe asambana n’umugore w’abandi yiruka yambaye ubusa

Mu murenge wa Muhima hafi y’ikiraro cyo ku Kinamba cya mbere ahazwi nka "Poids Lourds", mu masaha ya saa sita zo kuri uyu wa Gatanu tariki 16 Nzeri 2016, abantu bari bahuruye bumiwe, nyuma y’uko umugabo afashwe asambana agasohoka yiruka yambaye ubusa.

Ubwo umunyamakuru wacu yahageraga, yasanze abamotari n’abanyamaguru benshi bashungereye uru rugo ruri munsi y’umuhanda wo haruguru gato y’ikiraro cya Poids Lourds. Basubiragamo ukuntu umugabo wafashwe asambana, yasohotse mu nzu yiruka yambaye ubusa, abahuye nawe bakagirango ni umurwayi wo mu mutwe. Umugore nawe yahise yiruka ahunga umugabo we wari ufite uburakari bwinshi, ariko uyu we yahunze yambaye.

Abantu benshi bari bahuruye, basubiramo uko umugabo wafashwe asambana yirutse yambaye ubusa.

Ikinyamakuru Ukwezi.com cyabonanye n’uyu mugabo wari umaze gufata umugore we asambana n’undi mugabo, ariko uburakari n’umujinya yari afite bituma atabasha kugira icyo adutangariza.

Abaturanyi b’uyu muryango, batangarije ikinyamakuru Ukwezi.com ko uyu mugabo (tudatangaza amazina ye ku bw’umutekano we) yavuye mu rugo mu gitondo agiye ku kazi, nyuma umuntu akaza kumwibira ibanga ko hari umugabo urimo gusambanya umugore we, nawe akagaruka mu rugo bwangu akabagwa gitumo barimo gusambana.

Umugabo basanze mu rugo rw’abandi yahise abyigana na nyir’urugo asohoka bwangu yambaye ubusa, naho umugore basambanaga arwana akanya gato n’umugabo we nawe ahita yiruka ariko we yagiye amaze kwambara. Abaturanyi bavuga ko iby’imibanire y’uyu muryango nta byinshi babiziho kuko bari bahimukiye vuba.

KANDA HANO UREBE VIDEOS UTASANGA AHANDI