konka coffee
KONKA

AMAKURU

UKWEZI

Munyandamutsa yakatiwe azira kumara imyaka 2 asambanya abakobwa 3 yibyariye

Munyandamutsa yakatiwe azira kumara imyaka 2 asambanya abakobwa 3 yibyariye
24-05-2016 saa 09:48' | By Chief Editor | Yasomwe n'abantu 7008 | Ibitekerezo 13

Muri Werurwe uyu mwaka, nibwo Polisi ikorera mu karere ka Nyamagabe yataye muri yombi Munyandamutsa Felicien w’imyaka 43 y’amavuko, akurikiranyweho kuba yaragiye asambanya abakobwa be batatu mu buryo buhoraho, hakaba hari hashize imyaka ibiri yarabagize nk’abagore be. Nyuma yo guhamwa n’icyaha, uyu mugabo yamaze gukatirwa igifungo cya burundu y’umwihariko.

Aba bana b’abakobwa bamaze igihe basambanywa na se, umukuru muri bo afite imyaka 17, umukurikira afite imyaka 15 naho umuto we afite imyaka 14 y’amavuko. N’ubwo yari amaze imyaka ibiri abasambanya, bari baratinye kugira uwo babibwira kubera uburyo bahungabanye.

Aya mahano yatangiye ubwo uyu Munyandamutsa yatandukanaga n’umugore we ari nawe nyina w’aba bana, nyuma yo gutandukana umugore akava i Nyamabage akajya mu karere ka Bugesera, akamusigira abana undi nawe abarera nk’umubyeyi gito.

Guhera ubwo, ubuzima bw’aba bakobwa bwarahindutse nk’uko byemejwe n’abarimu bo ku bigo bigaho, bavuga ko batangiye gusa n’abafite ihungabana, bagahora bigunze kandi batagikurikira neza mu ishuri. Igihe cyaje kugera abana babibwira abarimu n’abaturanyi, hanyuma umwe mu barimu be abigeza kuri Polisi yahise itangira iperereza.

Kuri uyu wa Mbere, mu rubanza rwaburanishirijwe mu ruhame mu murenge wa Cyanika, Urukiko rwisumbuye rwa Nyamagabe rwamuhamije icyaha ahita akatirwa gufungwa burundu y’umwihariko.

N’ubwo urukiko rwagaragaje ibimenyetso bifatika bimuhamya icyaha birimo kuba abana ubwabo babimushinja, Munyandamutsa we ahakana ibi byaha, akavuga ko yajyaga ararana n’abana be ariko akaba atarigeze abasambanya.


Tanga Igitekerezo
Ibitekerezo 13
MUREKATETE MARIE Kuya 30-05-2016

YEWE UYU NAWE NUGUSEBYA ABABYEYI BIRAKWIYE NGUFUNGWA BURUNDU UMUGABO UNGANA GUTYA YARI AZI KO ATAZAFATWA ARIKO REKA IMANA IJYE IBAGARAGAZA.MURAKOZE

bertin ndikumana Kuya 28-05-2016

Ese uyu mugabo we baramupimye basanga ari mizima? So, ibi byo ni inkoramahano. Kuko ibi ntibisanzwe kabisa. Ku mukatira burundu byo birakwiriye.

jon Kuya 28-05-2016

isi irikumusozo! yegoko ubwoc gusambanya abakobwabe yarabuze abacecuru bagenzibe aha!

INNNCENT Kuya 26-05-2016

HARABANTU BINYAMASWAPE YAKABAYE ATAKIRI KURIYISI.

INNNCENT Kuya 26-05-2016

HARABANTU BINYAMASWAPE YAKABAYE ATAKIRI KURIYISI.

fanny Kuya 25-05-2016

yesu we ibi nibihe byanyuma pe abana be yibyariye ? uyu mugabo nigikoko nshimiye ubutabera kubwo gukora akazi bashinzwe

Theogene NTEZIRIZAZA Kuya 25-05-2016

IBO birabaje koko!! Cyakora nyina agaruke abareme agatima.

Hc Kuya 24-05-2016

Njye simbyumva, yasambanyije umwe se abandi bagiye he bose, yegoko Mana yaremye ijuru ni isi, ubwose nise cg ni umugabo wa nyina,

Hc Kuya 24-05-2016

Njye simbyumva, yasambanyije umwe se abandi bagiye he bose, yegoko Mana yaremye ijuru ni isi, ubwose nise cg ni umugabo wa nyina,

zaninka.Djalia Kuya 24-05-2016

Mbega inkuru ibabaje ndasaba burimubyeyi wumugore ko yajya apfira abana be akabaruhana nukuri.ndizerako mama wabo yababaye kurushaho,uko atakibana na papa wabo.

jojo Kuya 24-05-2016

Birababaje!!!umubyeyi wabo kweri .yewe isi yararangiyepe gusa gufungwa ntibihagije

HANYURWIMFURA Kuya 24-05-2016

UWO MUGORE NAWE ABIFITEMO URUHARE UBUNDI UBWO YAJYAGA HE?

Baptiste Kuya 24-05-2016

Imana itabare isi kuko amahano nkaya arakabije

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA