Nyamirambo: Umugore akura agatubutse mu kwigisha abagore uko banyongera abagabo babo

Chief Editor | 13-10-2016
Nyamirambo: Umugore akura agatubutse mu kwigisha abagore uko banyongera abagabo babo

Umugore utuye i Nyamirambo mu mujyi wa Kigali, ahamya ko atunzwe n’amafaranga yinjiza mu kwigisha abagore uko bazajya banyongera abagabo babo mu gihe cyo gutera akabariro, ibi ngo bikaba ari ibintu akora bigafasha abashakanye kubana neza dore ko ngo bituma abagabo barushaho kunyurwa n’abagore babo kandi igikorwa cyo gutera akabariro kikabaryohera bombi.

Uyu mugore utifuje ko amazina ye yatangazwa mu kinyamakuru, yagiranye ikiganiro n’ikinyamakuru Ukwezi.com, agaragaza uburyo ubumenyi umuntu wese afite aba ashobora kububyaza umusaruro bukaba bwamuteza imbere. Yerekana ko hari abashakanye bananiranwa kubera ubumenyi bucye bw’uburyo bwiza bwo gukora imibonano mpuzabitsina, nyamara bashobora kwegera ababizi bakabibigisha.


style="display:block"
data-ad-client="ca-pub-5056468503741966"
data-ad-slot="2194852936"
data-ad-format="auto">

Uyu mugore afite abana babiri, niwe ubarera wenyine akanabarihira amashuri meza kuko nta mugabo afite umufasha, kandi nta n’akandi kazi afite kamufasha mu mibereho ya buri munsi uretse ako kwigisha abandi bagore uko bazajya banyongera abagabo babo.

Yabwiye ikinyamakuru Ukwezi.com ko yabyigishijwe cyera na nyirasenge, nawe akaza kugenda abyigisha abantu batandukanye, kugera aho uwo yigishije agenda yibira ibanga abandi bagenzi be akabarangira kuburyo byageze aho abona abamugana benshi. Yabitangiye mu mwaka wa 2003, ubu amaze imyaka isaga 13 abikora nk’akazi kamwinjiriza atari macye.

Umugore ugiye amugana ngo amwigishe, aba agomba kumwishyura amafaranga y’u Rwanda 7.500 akabimwigisha mu gihe kingana n’iminsi itatu, bivuga ko buri munsi ari 2.500. Iyi minsi itatu nicyo gihe uyu mwarimu yabonye gihagije ngo umugore yigisha abe abimenye, ariko iyo atabaye umunyeshuri mwiza ufata vuba bimusaba ko umunsi urenga kuri iyo itatu nawo azajya awishyura andi 2.500.

Aya mafaranga ariko si yo yonyine akura muri uyu mwuga, kuko abo yigishije hafi ya bose bagaruka kumushimira uburyo yabafashije kuzana umunezero mu ngo zabo, bakaba bamugenera amafaranga cyangwa izindi mpano z’igiciro, zimwe muri zo akaba n’ubu azibitse nk’urwibutso rw’ibyo yagiye agezwaho n’uyu mwuga.

Ashimangira ko nta gushidikanya ubumenyi atanga bufite akamaro, kuko uretse kuba nawe ubwe abizi ku giti cye n’abagore benshi yabyigishije bagiye bamugaragariza ko yabunguye ubumenyi ntagereranywa bwabafashije kunezeza bidasanzwe abagabo babo.

KANDA HANO UREBE VIDEOS UTASANGA AHANDI