Perezida Paul Kagame yaganuye indege y’akataraboneka Rwandair yaguze

Chief Editor | 5-10-2016
Perezida Paul Kagame yaganuye indege y’akataraboneka Rwandair yaguze

Kuri uyu wa Gatatu tariki 5 Ukwakira 2016, Perezida Paul Kagame yabonanye n’itsinda ry’abakozi ba Sosiyete ya RwandAir ikora ibijyanye no gutwara abantu mu ndege, akaba yakurikijeho no kuganura indege nshya y’akataraboneka iherutse kugurwa n’iyi sosiyete.

Ibiro by’umukuru w’igihugu, bitangaza ko Perezida Paul Kagame yabonanye n’itsinda ry’abayobozi ba RwandAir, akaboneraho gusura indege ya Airbus 330-200 yageze mu Rwanda mu minsi ishize, iyi ikaba yaranabatijwe akazina ka "Ubumwe".

Iyi ndege yaguzwe akayabo ka miliyoni 250 z’amadolari, ni ukuvuga 210.000.000.000 uyabaze mu mafaranga y’u Rwanda. Iyi ndege yo mu bwoko bwa Airbus A330-200 ifite imyanya y’abantu 244 yose hamwe, muri iyo myanya hakaba harimo 20 y’abanyacyubahiro bo mu rwego rwo hejuru, imyanya 21 y’abanyacyubahiro bo mu rwego ruciriritse ndetse n’imyanya rusange 203.

Perezida Paul Kagame arimo gufasha n’ibihugu byo mu karere gutera imbere mu bijyanye n’ingendo zikoreshwa indege zigezweho, dore ko na Perezida Magufuli wa Tanzania aherutse kugura indege ebyiri akaba ateganya no kugura izindi abikesha Perezida Kagame wamwunguye ubwenge.

KANDA HANO UREBE VIDEOS UTASANGA AHANDI