Rusizi: Umutingito wishe abantu, ukomeretsa abatari bacye unangiza byinshi - Amafoto

Chief Editor | 23-09-2016
Rusizi: Umutingito wishe abantu, ukomeretsa abatari bacye unangiza byinshi - Amafoto

Umutingito wabaye mu karere ka Rusizi ku mugoroba wo kuri uyu wa Gatanu tariki 23 Nzeri 2016, washyize ubuzima bw’abantu mu kaga ndetse wanangije amazu, amamodoka n’ibindi bintu bitandukanye.

Uyu mutingito wangije ibintu byinshi, ariko by’umwihariko mu murenge wa Kamembe ho wasenye amazu agwira abaturage ndetse n’imodoka zari hafi aho, abaturage bibasiwe bakaba bakomeretse bajyanwa mu bitaro bya Gihundwe, imodoka nazo zirangirika cyane. Mu bibasiwe, harimo n’abahasize ubuzima.

Nshizirungu Placide, umuyobozi w’ibitaro bya Gihundwe biri muri aka karere ka Rusizi, yatangarije ikinyamakuru Ukwezi.com ko ibitaro ayobora byakiriye abantu bakomeretse bagera kuri 20 ariko umubare ukaba ukomeza kugenda wiyongera, ndetse ngo hari n’uwahageze yakomeretse bikomeye ahita ashiramo umwuka.

JPEG - 40.7 kb

N’ubwo imibare y’abapfuye bose n’abakomeretse itaramenyekana mu buryo ntakuka, hari andi makuru ikinyamakuru Ukwezi.com cyabwiwe n’abaturage, avuga ko hari abandi bantu babiri bapfuye.

KANDA HANO UREBE VIDEOS UTASANGA AHANDI