Uwari ugiye gukora ubukwe na Dr Niyomugabo bikekwa ko yiyahuye, yarazahaye ajya mu bitaro

Chief Editor | 8-08-2016
Uwari ugiye gukora ubukwe na Dr Niyomugabo bikekwa ko yiyahuye, yarazahaye ajya mu bitaro

Dr Niyomugabo Jean Fidèle wari umuyobozi w’ibitaro bya Ruhango biherereye ahitwa i Kinazi, yasanzwe mu cyumba cya hoteli yari acumbitsemo yapfuye aho bikekwa ko yiyahuye, ibi bikaba bibaye mbere y’iminsi micye ngo akore ubukwe kuko yari kuzarongora mu kwezi gutaha. Iyi nkuru y’incamugongo, ikimara kugera ku mukobwa bari bagiye gukora ubukwe byaramurenze araremba ajyanwa mu bitaro.

Dr Niyomugabo Jean Fidèle w’imyaka 34 y’amavuko yari acumbitse muri Nice Garden Motel iherereye mu kagari ka Gacurabwenge mu murenge wa Byumba, aho bikekwa ko yiyahuje umuti witwa Norotraz agapfa. Yari yahageze tariki 04 Kanama 2016 araharara, bukeye baza kumusanga mu cyumba yapfuye, iruhande rw’umurambo hari umuti bikekwa ko yiyahuje.

Impapuro z’ubutumire bw’ubukwe bwabo zari zaramaze gutangwa

Dr Niyomugabo Jean Fidèle wayoboraga ibitaro bya Ruhango biri i Kinazi, yari afite ubukwe tariki 18 Nzeri 2016 aho yari kuzasezerana na Karangwa Béatrice, ndetse imyiteguro bari bayigeze kure. Iyi nkuru mbi ikimara kugera kuri uyu mukunzi we Karangwa Béatrice, kubyakira byaramunaniye ndetse araremba ajyanwa mu bitaro byitwa Polyfam biherereye i Remera mu mujyi wa Kigali.

Amakuru yizewe agera ku kinyamakuru Ukwezi.com, ni uko n’ubu Béatrice Karangwa akimerewe nabi ariko bikaba bitakiri nka mbere kuko yasezerewe n’ibitaro ku mugoroba wo kuri iki cyumweru ngo ajye gukomeza kurwarira mu rugo.

KANDA HANO UREBE VIDEOS UTASANGA AHANDI