Umunyemari Mirimo Gaspard wigeze gutsinda umujyi wa Kigali yapfuye

Chief Editor | 12-05-2016
Umunyemari Mirimo Gaspard wigeze gutsinda umujyi wa Kigali yapfuye

Aha ni Nyabugogo aho benshi bakunda kwita kwa Mirimo

Umunyemari w’umunyarwanda Mirimo Gaspard uzwi mu bikorwa bitandukanye by’ubucuruzi akaba anafite inzu izwi cyane iherereye Nyabugogo aho bakunda kwita "Kwa Mirimo", yitabye Imana azize uburwayi, akaba yaguye mu bitaro byo mu mujyi wa Nairobi muri Kenya.

Amakuru agera ku kinyamakuru Ukwezi.com, aravuga ko Mirimo yapfuye kuri uyu wa Gatatu, aguye muri Kenya aho yari amaze iminsi arwariye, ndetse akaba yari amaze n’igihe ari ho aba kubera ibikorwa bye by’ubucuruzi ahafite.

Mirimo yamenyekanye anavugwa cyane ubwo yaburanaga n’umujyi wa Kigali wayoborwaga na Mutsindashyaka Theoneste, icyo gihe ubuyobozi bw’umujyi bukaba bwarashakaga gusenya inyubako ye ihererere muri Nyabugogo buvuga ko yubatswe mu gishanga, ariko nyuma yo kuburana bakagera no mu rw’ikirenga uyu munyemari akaba yaraje gutsinda umujyi wa Kigali, kuko inzu yari yarubatswe ubuyobozi bubireba.

Aha ni ku nyubako ya Mirimo iherereye Nyabugogo, benshi ntibazibagirwa ayiburana na Mutsindashyaka wari umuyobozi w’umujyi wa Kigali

KANDA HANO UREBE VIDEOS UTASANGA AHANDI