konka coffee
KONKA

AMAKURU

UKWEZI

Umuyobozi w’ibitaro bya Ruhango yapfuye yenda gukora ubukwe, bikekwa ko yiyahuye

Umuyobozi w’ibitaro bya Ruhango yapfuye yenda gukora ubukwe, bikekwa ko yiyahuye
6-08-2016 saa 11:48' | By Chief Editor | Yasomwe n'abantu 10123 | Ibitekerezo 4

Dr Niyomugabo Jean Fidèle wari umuyobozi w’ibitaro bya Ruhango biherereye ahitwa i Kinazi, yasanzwe mu cyumba yari acumbitsemo yapfuye aho bikekwa ko yiyahuye, ibi bikaba bibaye mbere y’iminsi micye ngo akore ubukwe kuko yari kuzarongora mu kwezi gutaha.

Amakuru Ikinyamakuru Ukwezi.com gikesha umukozi wa Motel yasanzwemo yapfuye, ashimangira ko Dr Niyomugabo Jean Fidèle w’imyaka 34 y’amavuko yari acumbitse muri Nice Garden Motel iherereye mu kagari ka Gacurabwenge mu murenge wa Byumba, aho bikekwa ko yiyahuje umuti witwa Norotraz agapfa, umurambo ukaba wajyanywe ku bitaro ngo ukorerwe isuzuma.

Hari amakuru yemeza ko Dr Niyomugabo Jean Fidèle yageze muri Nice Garden Motel taliki ya 04 Kanama 2016 mu masaha ya nimugoroba afata icyumba, kuri uyu wa Gatanu tariki 5 ntiyabyuka umunsi wose n’ubwo abakozi ba Nice Garden Motel bakomanze kenshi umunsi wose bashaka gukora amasuku bakabura ubitaba.

Ahagana saa moya za nimugoroba bongeye gukomanga biranga haza kwitabazwa Polisi nayo biranga, nyuma ifata umwanzuro wo kwica urugi basanga yapfuye aniyoroshe apfukiranye, ubu bikaba bikirimo gukurikiranwa.

Dr Niyomugabo Jean Fidèle wayoboraga ibitaro bya Ruhango biri i Kinazi, yari afite ubukwe mu kwezi gutaha kwa Nzeri. Iby’urupfu rwe bikekwa ko ari ukwiyahura, kuko iruhande rw’umurambo we bahasanze imiti ishobora kwica umuntu.


Tanga Igitekerezo
Ibitekerezo 4
Jovial Kuya 8-08-2016

Ariko mwebwe ibyanyu biranyobera:
1) ngo abakozi ba hotel bashakaga kumuha service (umuseke.com)
2) ngo abakozi ba hotel bashakaga gukora amasuku mu cyumba aryamyemo (ukwezi.com)
3) ngo abakozi ba hotel bari bagize ngo yagiye atishyuye (raporo ya hotel)
Ubwo murumva ibyo bintu bavuga ku buryo butandukanye bisobanutse?
Twizere ko police iri kubikurikirana neza kuko ntibyumvikana ukuntu umuyobozi nk’uriya yapfa bene kariya kageni.

Aline Kuya 7-08-2016

Ubamba isi ntakurura kdi Imana ihora ihoze Dr fidele R.I. P

Aline Kuya 7-08-2016

Ubamba isi ntakurura kdi Imana ihora ihoze Dr fidele R.I. P

Magayane Kuya 7-08-2016

Niba ushaka kumenya icyihishe inyuma y’uru rupfu soma inkuru iri kuri www.ubworoherane.com
Imana imwakire mu bayo kandi irinde uwo mwari usigaye.

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA