AMAKURU

UKWEZI

Nyabarongo yuzuye, ihagarika ingendo mu bice byinshi by’u Rwanda - Amafoto

Nyabarongo yuzuye, ihagarika ingendo mu bice byinshi by’u Rwanda - Amafoto
9-05-2016 | By Chief Editor | Yasomwe n'abantu 8783 | Ibitekerezo 17

Nyuma y’ibiza by’imvura nyinshi byibasiye igice cy’intara y’Amajyaruguru kuri iki Cyumweru tariki 8 Gicurasi 2016 bigatuma umuhanda Kigali - Musanze ufungwa ntube nyabagendwa, ubu noneho ibintu byazambye kuko uruzi rwa Nyabarongo rutandukanya umujyi wa Kigali n’Intara y’Amajyepfo, rwuzuye rutuma ingendo ziva mu mujyi wa Kigali zigana mu majyepfo, mu majyaruguru no mu Burengerazuba bw’u Rwanda zifungwa.

Guhera mu masaha ya saa kumi z’urukerera rwo kuri uyu wa Mbere tariki 9 Gicurasi 2016, imvura nyinshi yateje umwuzure, amazi menshi cyane ari mu kibaya cy’uruzi rwa Nyabarongo akaba yambukiranyije umuhanda afunga burundu ingendo ziva mu mujyi wa Kigali zigana mu ntara y’Amajyepfo. Uko iminota ishira, bigaragara ko amazi arushaho kwiyongera, agenda akwira ibice by’umuhanda yambukiranya ikibaya cy’uruzi rwa Nyabarongo.

Uva mu mujyi wa Kigali ugana mu Majyepfo, Polisi y’u Rwanda yafunze imodoka kuko uyu muhanda wamaze gufungwa n’amazi ya Nyabarongo yahuzuye. Ibi ninako bimeze mu bice by’amajyepfo, aho imodoka zabujijwe kugenda, guhera i Muhanga Polisi ikaba iburira abatwaye amamodoka kudakomeza bagana mu mujyi wa Kigali kuko umuhanda wambuka Nyabarongo utakiri nyabagendwa.

Hakurya y’uruzi rwa Nyabarongo ku gice giherera mu karere ka Kamonyi, abaturage ni benshi cyane barihera ijisho ingaruka z’umwuzure watewe n’imvura, abakorera mu mujyi wa Kigali barareba umujyi hakurya ariko ntibiyumvisha uko bazawusubiramo. Amamodoka yo yahagarikiwe ahitwa ku Ruyenzi, ntiyemererwa kwegera ibice bya Nyabarongo, mu gihe abanyamaguru bo bava ku Ruyenzi bakemererwa kugera ahitwa Kamuhanda ariko nabo ntibasatire uruzi rwa Nyabarongo ngo hato batahasiga ubuzima.

Ifungwa ry’uyu muhanda bitewe n’umwuzure, risobanuye ko kuva i Kigali werekeza i Muhanga, Ruhango, Nyanza, Huye, Gisagara, Karongi, Nyamasheke, Rusizi, Karongi, Rubavu, Musanze n’ibindi bice by’amajyaruguru, amajyepfo n’uburengerazuba, bitagishoboka kuko n’umuhanda Kigali - Musanze wafunzwe kuri iko Cyumweru.

Amazi yuzuye mu muhanda, kandi aragenda arushaho kwiyongera


Tanga Igitekerezo
Ibitekerezo 17
Jones Kuya 10-05-2016

Birashoboka kubaka urukuta uyu mugezi ugahabwa inzira ntarengwa. Abashinwa barabikoze muri za mirongo inani, natwe tubibonye nk ikibazo twabikemura.

Mugisha Patrick Kuya 9-05-2016

Babatabare Bambi

kim Kuya 9-05-2016

barrage yamashanyarazi yubatswe nyabarongo ntabwo yakemura into bibatso!?

Jones Kuya 9-05-2016

Birashoboka kubaka urukuta uyu mugezi ugahabwa inzira ntarengwa. Abashinwa barabikoze muri za mirongo inani, natwe tubibonye nk ikibazo twabikemura.

MPC Kuya 9-05-2016

Ni ukuri ibi biza biteye ubwoba. Byongeye bimaze guhitana abantu benshi no kwangiza byinshi. Imana idufashe

hakizimana jean bosco Kuya 9-05-2016

mwiihangane imana irabafashe mwe musenge gusa

shyirakera Kuya 9-05-2016

Andika Igitekerezo cyawe hano hazashyirwe iteme ryo mu kirere hakoreshejwe imigozi nko muri nyungwe.

shyirakera Kuya 9-05-2016

Andika Igitekerezo cyawe hano hazashyirwe iteme ryo mu kirere hakoreshejwe imigozi nko muri nyungwe.

john Bolingo Kuya 9-05-2016

abarikuva Huye nazaMuhanga mumanuke mumayaga mwambukire mubugesera muhigukire inyamata

Nzachri Kuya 9-05-2016

Air transport mu Rwanda irakenewe

kelly Kuya 9-05-2016

Reta rwose nitubabarire idufashe nkatwe abanyeshuri biga byaducanze nkubu ibyigwa byaducitse kd urumva ko arigihombo kbsa nimudufashe

habimana vicint Kuya 9-05-2016

mudutabare akazi kahahaze

Abraham Kuya 9-05-2016

ariko reta yarikwiye kuzana Helicopter ikadepana abantu

adams Kuya 9-05-2016

nihatari kbsan leta ni dufashe kuko ubuzima hano bwahagaze byahatari kbsan

Burege elise Kuya 9-05-2016

Abarubavu nabamusanze bace mumuhanda wa butaro gicumbi

lucky Kuya 9-05-2016

Ese leta ntabushobozi ifite bwo gukamya amazi muburyo bworoshye ko mubona ubuzima bwahagaze?Ese ko mutavugishije urwego rushinzwe Ibiza ngo twumve ko bikomeje twatandukana na Kgl cg ni ntara???Ubutabazi burakenewe

lucky Kuya 9-05-2016

Ese leta ntabushobozi ifite bwo gukamya amazi muburyo bworoshye ko mubona ubuzima bwahagaze?Ese ko mutavugishije urwego rushinzwe Ibiza ngo twumve ko bikomeje twatandukana na Kgl cg ni ntara???Ubutabazi burakenewe

IGURIRE
IBARUWA ZA JORIJI
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA