konka coffee
KONKA

AMAKURU

UKWEZI

Bamwe muri 53 bishwe n’imvura ikabije bashyinguwe, muri bo harimo 5 bo mu rugo rumwe

Bamwe muri 53 bishwe n’imvura ikabije bashyinguwe, muri bo harimo 5 bo mu rugo rumwe
9-05-2016 saa 13:57' | By Chief Editor | Yasomwe n'abantu 2295 | Ibitekerezo 3

Kuri uyu wa Mbere tariki 9 Gicurasi 2016, bamwe mu bahitanywe n’ibiza byaturutse ku mvura ikabije yaguye kuri iki Cyumweru bashyinguwe, mu bantu 53 bahasize ubuzima hakaba harimo n’abantu batanu bose bo mu rugo rumwe, aba bakaba ari bo mu karere ka Gakenke kibasiwe cyane kurusha utundi twose mu gihugu.

Nk’uko imibare yari yatanzwe na Minisiteri ifite mu nshingano zayo gukumira ibiza yabigaragazaga, mu karere ka Gakenke ari nako kibasiwe cyane, abantu 34 nibo bapfuye, hasenyuka amazu 419 ndetse hangirika ibiraro n’imihanda 22, naho amatungo 20 y’abaturage arapfa. Mu karere ka Muhanga naho abantu 8 barapfuye, hasenyuka amazu 53. Muri Ngororero hapfuye abantu 3 naho muri Rubavu hapfa abantu 4, mu gihe abakomeretse bari gukurikiranwa n’abaganga, muri rusange bari 26. Gusa uko amasaha yagendaga yicuma, niko ibintu byarushagaho kuba bibi, kugaza ubwo ubu abapfuye babarirwa muri 53 bose hamwe.

JPEG - 49.3 kb

Abaturage ba Gakenke bari mu bibasiwe cyane n’ibiza, uretse abapfuye n’abakomeretse, hari n’abandi benshi basenyewe amazu yabo

Kuri uyu wa Mbere, Minisitiri w’intebe Anastase Murekezi, ari kumwe n’abandi bayobozi batandukanye berekeje mu karere ka Gakenke aho bashyinguye bamwe mu bahitanywe n’ibiza, mu ijambo rye akaba yabihanganishije kandi yizeza abasizwe iheruheru n’ibi bibazo byaturutse ku mvura ikabije, ko Leta izabafasha uko izabishobora kose. Yabagejejeho kandi ubutumwa bwa Perezida wa Repubulika Paul Kagame, buvuga ko yihanganisha imiryango yabuze ababo.

Uretse abantu bapfuye hirya no hino mu gihugu bagera kuri 53, amasu yasenyutse burundu ubu arabarirwa muri 500, mu gihe imvura n’umwuzure byangirije abaturage ibindi bintu byinshi, hakangirika umuhanda Kigali -Musanze mu gice cy’ahitwa Buranga, hakangirika umuhanda Muhanda - Ngororero wari wafunzwe n’inkangu ariko uza gufungurwa, n’ubwo amakuru ahera ku kinyamakuru Ukwezi.com ashimangira ko mu masaha y’igicamunsi cyo kuri uyu wa mbere umuhanda noneho wafunzwe n’umugenzi wa Nyabarongo mu gice Ngororero, mu gihe umuhanda Kigali - Muhanga nawo wafunzwe kubera umwuzure wambukiranyije ikibaya cya Nyabarongo amazi agafunga umuhanda.


Tanga Igitekerezo
Ibitekerezo 3
nyirahategekimana jacpueline Kuya 10-05-2016

Andika Igitekerezo cyawe hano njyewe ndabona wagirango nibihano imana uri kutugenera kuko ntibisanzwe ngaho abazunguzayi barahohoterwa mugihe bitararangira imvura naho ati ndaje yewe abazi gusenga nimusengere urwanda imana idutabare abagize ibyago mukomeze kwihangana

nyirahategekimana jacpueline Kuya 10-05-2016

Andika Igitekerezo cyawe hano njyewe ndabona wagirango nibihano imana uri kutugenera kuko ntibisanzwe ngaho abazunguzayi barahohoterwa mugihe bitararangira imvura naho ati ndaje yewe abazi gusenga nimusengere urwanda imana idutabare abagize ibyago mukomeze kwihangana

nyirahategekimana jacpueline Kuya 10-05-2016

Andika Igitekerezo cyawe hano njyewe ndabona wagirango nibihano imana uri kutugenera kuko ntibisanzwe ngaho abazunguzayi barahohoterwa mugihe bitararangira imvura naho ati ndaje yewe abazi gusenga nimusengere urwanda imana idutabare abagize ibyago mukomeze kwihangana

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA