Abantu batatu bakatiwe n’urukiko bazira kwicira umuzunguzayi muri Nyabugogo

Chief Editor | 27-07-2016
Abantu batatu bakatiwe n’urukiko bazira kwicira umuzunguzayi muri Nyabugogo

Abantu batatu bahamwe n’icyaha cyo kwica umuzunguzayi muri gare ya Nyabugogo, bakatiwe imyaka 10 y’igifungo kuri buri umwe kuri uyu wa Kabiri tariki 26 Nyakanga 2016.

Kuri uyu wa Kabiri, nibwo urukiko rwisumbuye rwa Nyarugenge rwakatiye igifungo cy’imyaka 10 abantu batatu, nyuma yo kubahamya icyaha cyo kwica Uwamahoro Theodosie wari umuzunguzayi muri gare ya Nyabugogo.

Abo bahamwe n’icyaha ni Kabera Eric, Turabumukiza Venuste na Ndayisenga Joseph bahamwe n’ubufatanyacyaha mu gukubita no gukomeretsa byaviriyemo umuntu urupfu.

Mu masaha ya saa sita z’amanywa yo kuwa Gatandatu tariki 7 Gicurasi 2016, nibwo muri gare ya Nyabugogo mu mujyi wa Kigali hiciwe uyu mugore witwaga Uwamahoro Theodisie wakoraga akazi ko gucuruza ibintu abibungana, muri bamwe bamenyerewe ku izina ry’abazunguzayi.

KANDA HANO UREBE VIDEOS UTASANGA AHANDI