Abasirikare b’u Rwanda barimo abakanishi b’indege n’abazitwara berekeje i Juba

Chief Editor | 31-08-2016
Abasirikare b’u Rwanda barimo abakanishi b’indege n’abazitwara berekeje i Juba

Abasirikare 165 bo mu ngabo z’u Rwanda zirwanira mu kirere, mu gitondo cyo kuri uyu wa Gatatu bageze i Juba muri Sudani y’epfo, aho batangiye ubutumwa bw’amahoro bazamaramo umwaka. Aba basirikari barimo abakanishi b’indege za gisirikare ndetse n’abazitwara.

Ikigo cy’igihugu cy’itangazamakuru RBA dukesha iyi nkuru, kivuga ko aba basirikare bageze ku Kibuga cy’indege cya Juba saa tatu n’igice za mugitondo ku isaha ya Sudani y’epfo aho bagiye gusimbura bagenzi babo 165 bari bahamaze umwaka nabo bari mu butumwa bw’umuryango w’abibumbye bw’amahoro muri Sudani y’epfo (UNMISS).

Izi ngabo ziyobowe na Lt. Col. Innocent Munyengango, muri ubu butumwa bw’amahoro muri Sudani y’epfo zihafite ibikoresho birimo kajugujugu 6, bakaba kandi bafite ahantu habiri babarizwa ari ho i Juba n’i Malakal. Ingabo z’u Rwanda ubwo zahageraga bwa mbere zari zifite kajugujugu eshatu gusa ariko ubu zimaze kuba esheshatu.

JPEG - 213.2 kb

Mu nshingano bafite harimo gutwara abakozi bari mu butumwa bwa Loni, hakiyongeraho no gutwara ingabo n’ibikoresho. Bafite n’akazi ko gutabara abahura n’akaga mu bice bashinzwe kugenzura.

Itsinda rya mbere ry’ingabo z’u Rwanda zirwanira mu kirere ryageze mu butumwa bwa Loni muri Sudani y’epfo mu mwaka wa 2012 ubu itsinda rije ni irya gatanu.

KANDA HANO UREBE VIDEOS UTASANGA AHANDI