AMAKURU

UKWEZI
CHENO

Gatsibo: Abapolisi barasanye umwe arapfa abandi barakomereka

Gatsibo: Abapolisi barasanye umwe arapfa abandi barakomereka
2-10-2016 | By Chief Editor | Yasomwe n'abantu 16192 | Ibitekerezo 9

ACP Celestin Twahirwa, umuvugizi wa Polisi y’u Rwanda

Mu masaha ya mugitondo cya kare cyo kuri iki Cyumweru tariki 2 Ukwakira 2016, abapolisi b’u Rwanda mu murenge wa Ngarama mu karere ka Gatsibo barasanye, umwe muri bo arapfa naho abandi bagera kuri bane barakomereka.

Bamwe mu bakozi b’ibitaro bya Ngarama, batangarije ikinyamakuru Ukwezi.com ko mu gitondo cy’iki Cyumweru hari abapolisi benshi bakomeretse bavurirwaga muri ibi bitaro, nyuma y’urufaya rw’amasasu rwumvikanye kuri sitasiyo ya Polisi ya Ngarama.

Umupolisi warashe bagenzi be, abaturage babwiye Ukwezi.com ko yitwa Niwemfura Didier naho abo yarashe harimo Ngayaberura Eric wahise apfa, abandi bagejejwe kwa muganga bakomeretse harimo uwitwa Dusabe Innocent, Nyirazaninka Alliance, Simbayobewe Schadrack na OPJ witwa Bosco.

ACP Celestin Twahirwa, umuvugizi wa Polisi y’u Rwanda, yemereye ikinyamakuru Ukwezi.com ko uku kurasana kw’abapolisi kwabayeho, umupolisi umwe akaba yahise apfa abandi bagakomereka.

ACP Celestin Twahirwa yavuze ko hari umupolisi wo kuri sitasiyo ya Polisi ya Ngarama muri Gatsibo warashe bagenzi be batatu umwe agapfa abandi bagakomereka, uyu nawe bagenzi be bakaba bamurashe bakamukomeretsa.

Umuvugizi wa Polisi avuga ko uwarashe bagenzi be yabanje gukora ibintu bidasanzwe bigaragaza ko yaba yari afite ikibazo mu mutwe, hakaba hatangiye iperereza ngo hamenyekane icyatumye akora ibi.


Tanga Igitekerezo
Ibitekerezo 9
Liza keza Kuya 6-10-2016

Twihanganishije umuryango wabuze umuvandimwe wabo na police yu Rwanda.IMANA imwakire mubayo

NTEZIRIZAZA Francois Kuya 6-10-2016

Ntakundi Didier! Isi turimo niko iteye pe! ariko inzego zibishinzwe zibikurikirane neza rwose. Gusa nkatwe APAPEC,Umuryango we,n’igihugu muri rusange turahombye cyaneeee !!!!!!!

niyomugabo theos Kuya 6-10-2016

mwihangane mwese kuko na bro wange schadrac nawe bamurasiyemo amasasu 3 ubu aryamye ikanombe ndikumwe nawe ndamurwaje

niyomugabo theos Kuya 6-10-2016

mwihangane mwese kuko na bro wange schadrac nawe bamurasiyemo amasasu 3 ubu aryamye ikanombe ndikumwe nawe ndamurwaje

jip Kuya 5-10-2016

ntakibazo cyomumutwe ahubwo buriya nikanyanga yarahaze kbsa

NAHIMANA Didier Kuya 4-10-2016

Ariko bishoboka bite? Birababaje kubona umwana amara imyaka 3 y’ amashuri y’ inshuke, 6 y’ abanza na 6 y’ ayisumbuye ashaka uburyo yazabaho neza, nyuma agahitamo gukorera igihugu mu kugishakira umutekano, yarangiza agapfa yishwe na mugenzi we bafatanyije akazi. NGAYABERURA Eric yambereye umunyeshuri mwiza kdi w’ igikundiro. RIP.

Ntezirizaza Francois Kuya 3-10-2016

Yooo!!! Uyu mupolisi wapfuye NGAYABERURA Eric AKA Hussein yarangirije amashuri ye muri G.S APAPEC MURAMBI promotion 2013 naramwigishije ari umunyeshuri mwiza!! RIP for him!!!!!!!

Mazimpaka augistin Kuya 3-10-2016

police y,urwanda muri rusange niyihangane ndeste nimiryango yabo ba police ,police idukorere iperereza bamenye icyo kibazo igihe yarakimaranye kuko kwikoramunda nkuko ntibikwiye kuri police yacu twizera iducungira umutekano amanywa ni ijoro

john jadis jado Kuya 2-10-2016

nuk mwothoz nez uknt vygnz

IGURIRE
IBARUWA ZA JORIJI
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA