Gatsibo: Umugabo w’imyaka 42 yishe umugore w’imyaka 22 wari inshoreke ye

Chief Editor | 15-07-2016
Gatsibo: Umugabo w’imyaka 42 yishe umugore w’imyaka 22 wari inshoreke ye

Umugabo w’imyaka 42 y’amavuko wo mu murenge wa Muhura mu karere ka Gatsibo, yishe umugore w’imyaka 22 y’amavuko wari inshoreke ye, ibintu byatunguye abaturanyi cyane kuko byari bizwi ko uwo mugabo yaharitse umugore we mukuru agatonesha uwo w’inshoreke.

Nk’uko byemejwe na IP Emmanuel Kayigi, umuvugizi wa Polisi y’u Rwanda mu Ntara y’Uburasirazuba, yabwiye ikinyamakuru Ukwezi.com ko uyu mugabo yitwa Iyakaremye Jean Bosco, naho umugore yishe akaba yitwa Mukeshimana Pelagie bari barabyaranye umwana umwe.

IP Emmanuel Kayigi, avuga ko n’ubwo hakekwa ko ubu bwicanyi bwaba bwatewe n’amakimbirane yo mu miryango, harimo urujijo kuko Iyakaremye yari yarataye umugore we mukuru akajya gukundwakaza Mukeshimana Pelagie.

Iyakaremye Jean Bosco wicishije icyuma umugore wari inshoreke ye ku isaha ya saa moya n’iminota 45 z’umugoroba wo kuri uyu wa Kane, yahise atoroka akimara gukora ayo mahano, n’ubu akaba akirimo gushakishwa na Polisi.

KANDA HANO UREBE VIDEOS UTASANGA AHANDI