Gicumbi: Abashinwa bakubise umunyarwanda wari umukozi wabo bamugira intere

Chief Editor | 3-09-2016
Gicumbi: Abashinwa bakubise umunyarwanda wari umukozi wabo bamugira intere

Mu masaha y’amanywa yo kuri uyu wa Gatandatu tariki 3 Nzeri 2016, Abashinwa bakora umuhanda mu karere ka Gicumbi bakubise umukozi wabo hafi kumunogonora, ajyanwa kwa muganga avirirana nyuma yo kugirwa intere.

Aba bashinwa bakorera umushinga witwa CHICO (China Henan International Cooperation Group) urimo gukora umuhanda Base - Byumba, bakubise umwe mu bahoze ari abakozi babo baherutse kwirukanwa ariko ntibahabwe amafaranga bari barakoreye.

Uwakubiswe yajyanywe kwa muganga yabaye intere

Bamwe mu bakozi ba CHICO babwiye ikinyamakuru Ukwezi.com ko hari abakozi bakoraga akazi k’ubushoferi, baherutse kwirukanwa n’aba bashinwa babashinja kwiba amavuta y’imodoka batwaraga.

Kuri uyu wa Gatandatu abo bakozi baje ku biro by’abo bashinwa babakoreshaga, babasaba ko babahemba amafaranga yabo bari barakoreye ariko abandi bababera ibamba, kugeza ubwo umwe muri bo wavugaga ko atahava batamwishyuhe bamukubise bakamuhindura intere.

Bamukomerekeje, ajyanwa kwa muganga avirirana

Uyu wakubiswe yaje kujyanwa kwa muganga ndetse hitabazwa Polisi ikorera mu karere ka Gicumbi ngo ikurikirane iki kibazo, gusa abakorera uyu mushinga w’Abashinwa bavuga ko uburyo bafatwa basanga bibangamira cyane uburenganzira bwabo.

KANDA HANO UREBE VIDEOS UTASANGA AHANDI