Hasobanuwe iby’imodoka ya UNHCR yakoze impanuka bakayisangamo urumogi

Chief Editor | 24-08-2016
Hasobanuwe iby’imodoka ya UNHCR yakoze impanuka bakayisangamo urumogi

Nyuma y’uko tubagejejeho inkuru ivuga iby’imodoka y’Ishami ry’Umuryango w’Abibumbye ryita ku mpunzi (UNHCR) yo mu bwoko bwa Toyota Land Cruiser yakoze impanuka Polisi igasangamo ibiro 86 by’urumogi, UNHCR yasobanuye birambuye iby’iyi modoka.

Kuwa Kabiri tariki 16 Kanama ahagana saa tanu n’igice z’ijoro, nibwo iyi modoka ifite nomero ziyiranga IT 904 RD yakoreye impanuka mu kagari ka Kanazi, ho mu murenge wa Ruharambuga mu karere ka Nyamasheke, Polisi isanga nta muntu urimo kuko umushoferi yari yatorotse, ahubwo hasanzwemo urumogi.

Mu gushaka kugaragaza ukuri ku by’iyi modoka no kwerekana ko badakwiye kwirengera icyo cyasha, UNHCR yatangaje ko mu by’ukuri n’ubwo iyi modoka ari iyabo, yari yaratijwe umushinga wa AHA (Africa Humanitarian Action) ari nabo bagombaga kuba bacunga ibijyanye n’imikoreshereze yayo.

UNCHR kandi ivuga ko ubu ifatanyije na AHA na Polisi y’u Rwanda barimo gukora iperereza ku by’iyi modoka yakoze impanuka ku bw’umuvuduko ukabije bagasangamo n’ikiyobyabwenge cy’urumogi, gusa bikemezwa kop uwari uyitwaye ari umukozi wa AHA wari wabeshye ko hakenewe ubutabazi bwihutirwa mu nkambi ya Kigeme nyamara yigiriye muri gahunda ze bigaragara ko zifitanye isano n’icuruzwa ry’ibiyobyabwenge.

KANDA HANO UREBE VIDEOS UTASANGA AHANDI