Imodoka ya Korali Jehovayire ya ADEPR yakoze impanuka Imana ikinga ukuboko

Chief Editor | 26-08-2016
Imodoka ya Korali Jehovayire ya ADEPR yakoze impanuka Imana ikinga ukuboko

Mu masaha y’urukerera rwo kuri uyu wa Gatanu tariki 26 Kanama 2016, imodoka yari itwaye bamwe mu baririmbyo ba Korali Jehovayire ya ADEPR Nyakabanda yakoze impanuka ubwo iyi korali yari igiye kuvuga ubutumwa i Nyamasheke ariko Imana ikinga ukuboko.

Amakuru y’iyi mpanuka yemejwe n’umuvugizi w’ishami rya Polisi y’u Rwanda rishinzwe umutekano wo mu muhanda, CIP Emmanuel Kabanda, wabwiye ikinyamakuru Ukwezi.com ko impanuka yabaye mu masaha ya saa kumi.

CIP Kabanda avuga ko impanuka yabereye mu mudugudu wa Nyamiseke, mu kagari ka Muhororo, mu murenge wa Byimana ho mu karere ka Ruhango, igakomerekeramo bamwe mu baririmbyi ba Korali Jehovayire n’umushoferi, gusa iyi modoka siyo yari itwaye abandi baririmbyi.

Imodoka yakoze impanuka ni iyo mu bwoko bwa Toyota Hilux ifite ibirango RAA 510 Q yari itwawe na Bizimana Alphonse, ikaba yarenze umuhanda igonga igiti. Hari harimo kandi abitwa Nshimiyimana Emmanuel na Ndungutse Samuel, bose bakaba bahise bajyanwa mu bitaro bya Kabgayi nyuma yo gukomereka.

KANDA HANO UREBE VIDEOS UTASANGA AHANDI