Imodoka yagonze abantu barapfa ihita inacurama mu mugezi wa Mukungwa

Chief Editor | 5-07-2016
Imodoka yagonze abantu barapfa ihita inacurama mu mugezi wa Mukungwa

Ku mugoroba wo kuri uyu wa Mbere tariki 4 Nyakanga 2016, imodoka itwara imizigo yo mu bwoko bwa Daihatsu yagonze abantu bahita bapfa nayo icurama mu mugezi wa Mukungwa uri mu karere ka Musanze mu Ntara y’Amajyaruguru.

Nk’uko Sup. Jean Marie Vianney Ndushabandi, umuvugizi w’ishami rya Polisi y’u Rwanda rishinzwe umutekano wo mu muhanda, yabitangarije ikinyamakuru Ukwezi.com, iyi modoka yagonze abamotari babiri bahita bapfa.

Sup. Ndushabandi avuga ko iyi modoka imaze kugonga nayo yacuritse ikizuru mu mugezi wa Mukungwa ariko ntigwe mu mazi neza, kugeza n’ubu hakaba hagitegerejwe ubutabazi ngo ibashe gukurwamo.

Mu izina ry’abasomyi n’abakunzi b’ikinyamakuru Ukwezi.com, twihanganishije imiryango yaburiye ababo muri iyi mpanuka, tunasabira abayiguyemo kuruhukira mu mahoro.

KANDA HANO UREBE VIDEOS UTASANGA AHANDI