AMAKURU

UKWEZI

Imodoka yari itwaye umurwayi, umurwaza n’umuganga yahiye irakongoka

Imodoka yari itwaye umurwayi, umurwaza n’umuganga yahiye irakongoka
16-08-2016 | By Chief Editor | Yasomwe n'abantu 10766 | Ibitekerezo 1

Imodoka itwara abarwayi izwi nka Ambulance cyangwa Imbangukiragutabara, yafashwe n’inkongi y’umuriro irashya irakongoka ubwo yari itwaye umurwayi w’indembe, aherekejwe n’umurwaza n’umuforomo ndetse n’umushoferi wari uyitwaye.

Iyi mpanuka yabereye mu murenge wa Kamegeri mu Karere ka Nyamagabe, iyi modoka ikaba yavaga ku kigo nderabuzima cya Nyarusiza ijyanye umurwayi ku bitaro bya Kigeme, mu masaha y’umugoroba wo kuri uyu wa Mbere tariki 15 Kanama 2016.

JPEG - 52.5 kb

Icyakoze Polisi ikorera mu karere ka Nyamagabe ivuga ko iyi mpanuka nta muntu yahitanye muri aba bose bari muri iyo modoka, kuko bakimara kubona ko itangiye gucumba umwotsi, basohotsemo bwangu irinda ibakongokera mu maso

Ubufatanye bw’abaturage na Polisi y’u Rwanda batabaye ubwo iyi mpanuka yabaga, ntabwo bwabashije kugira icyo buyirokoraho kuko yahiye yose igakongoka, hakaba harimo gukorwa iperereza ngo hamenyekane impamvu y’iyi nkongi.


Tanga Igitekerezo
Ibitekerezo 1
francine Kuya 16-01-2017

Rip

IGURIRE
IBARUWA ZA JORIJI
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA