konka coffee
KONKA

AMAKURU

UKWEZI

Imodoka yavaga i Kigali ijyanye abagenzi i Kampala yabirindutse igeze i Gicumbi

Imodoka yavaga i Kigali ijyanye abagenzi i Kampala yabirindutse igeze i Gicumbi
20-09-2016 saa 07:33' | By Chief Editor | Yasomwe n'abantu 8853 | Ibitekerezo 5

Imodoka itwara abagenzi ya sosiyete ye Volcano yavaga i Kigali ijya i Kampala muri Uganda, yakoreye impanuka mu karere ka Gicumbi, mu murenge wa Cyumba, mu kagari ka Rwankonjo mu mudugudu wa Kivuruga, abantu benshi bakaba bakomeretse gusa ku bw’amahirwe ntawahasize ubuzima.

Nk’uko byemejwe na CIP Emmanuel Kabanda, umuvugizi w’ishyami rya Polisi rishinzwe umutekano wo mu muhanda, iyi mpanuka yabaye mu ijoro ryo kuri uyu wa Mbere tariki 19 Nzeri 2016, ahagana saa yine z’ijoro. Yari iy’imodoka ya bisi (Bus) ya Volcano ifite ibirango RAD 794 B yavaga i Kigali ijyanye abagenzi i Kampala, igeze aha mu murenge wa Cyumba iza kurenga umuhanda irabirinduka.

Abantu 9 nibo bahise bakomereka, muri bo batatu bakaba bari bakomeretse cyane bikomeye, abandi batandatu bakomeretse byoroheje. Muri abo bakomeretse bidakomeye, babiri bahise bataha batiriwe bajya kwa muganga, mu gihe abandi bose bahise bajyanwa mu bitaro bya Byumba, abandi batagize ikibazo bashakirwa indi modoka bakomeza urugendo rwerekeza i Kampala.

Nyuma y’uko abantu 7 baraye mu bitaro bya Byumba, amakuru mashya yamenyekanye muri iki gitondo ni uko bane muri bo batashye nyuma yo kumva nta kibazo gikomeye bafite, umwe muri bo akaba yoherejwe mu bitaro byitiriwe Umwami Faycal biri i Kigali, abandi nabo bakaba bagomba gusezererwa bagakomeza kwivuza batari mu bitaro. Iperereza ryatangiye ngo hamenyekane icyateye iyi mpanuka.


Tanga Igitekerezo
Ibitekerezo 5
Hasingi Kuya 22-09-2016

Abakomeretse Bihangane Imana Iracyabarinze

Bosco Kuya 20-09-2016

abakomeretse bihangane, @AZAPT accident iterwa nibintu byinshi kandi kuba ntawapfuye nuko itirukaga, nanjye nyigendamo kenshi, kandi mbona igenda neza pe, icyakora umunsi uzabona itazakora accident wizeye, uzayiturangire tuzayigendamo twese.

azapt Kuya 20-09-2016

Rwose police nikaze umutekano wariya ma Bus njyewe volcano ya Kampara nayigendagamo ariko bariruka pe ugerayo ntankuru rwose Bus bita Mash poa rwose igenda neza ndayibashimiye bazakomereze aho mugera kumupaka ugasanga bavuga nkabo mwavanye kampara ngo iyi Bus igenda nkaka nyamatsyo ariko byamaze nka genda ntuje rwose police yacu nifatanye niya Uganda mukaze rwose harabashoferi rwose bakabije umuvuduko

azapt Kuya 20-09-2016

Rwose police nikaze umutekano wariya ma Bus njyewe volcano ya Kampara nayigendagamo ariko bariruka pe ugerayo ntankuru rwose Bus bita Mash poa rwose igenda neza ndayibashimiye bazakomereze aho mugera kumupaka ugasanga bavuga nkabo mwavanye kampara ngo iyi Bus igenda nkaka nyamatsyo ariko byamaze nka genda ntuje rwose police yacu nifatanye niya Uganda mukaze rwose harabashoferi rwose bakabije umuvuduko

Alice riziki Kuya 20-09-2016

Mukomeze mwihangane mwembwe mwakomeretse nubundi iyomihanda nibatayikora izamara abantu ejobundi siho habereye indi mpantuka ikatwarira umubyeyi.

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA