Ingabo z’u Rwanda zasuye umuryango w’umwana wishwe akubiswe na Major Mupenzi

Chief Editor | 7-09-2016
Ingabo z’u Rwanda zasuye umuryango w’umwana wishwe akubiswe na Major Mupenzi

Nyuma y’uko umwana witwa Mbarushimana Theogene yishwe n’umuganga w’umusirikare ufite ipeti rya Major wakoraga mu bitaro bya gisirikare i Kanombe, abasirikare mu Ngabo z’u Rwanda basuye umuryango wa Nyakwigendera bamagana ubu bwicanyi bavuga ko inshingano z’igisirikare cy’u Rwanda ari ukurinda atari ukwica.

Ku Cyumweru tariki 4 Nzeri, nibwo Major Dr Aimable Mupenzi yakubise umwana w’umuhungu w’imyaka 19 y’amavuko kugeza ashizemo umwuka, nyakwigendera akaba yarashyinguwe kuri uyu wa Kabiri naho uyu musirikare wavuraga mu bitaro bya Kanombe we yatawe muri yombi aho arimo gukurikiranwa n’inzego za gisirikare.

Ingabo z’u Rwanda zagiye gufata mu mugongo umuryango wahemukiwe na Major Mupenzi Aimable

Mu rwego rwo gufata mu mugongo umuryango wahemukiwe, abasirikare mu ngabo z’u Rwanda kuri uyu wa Gatatu basuye uwo muryango, muri iki gikorwa Lt Col René Ngendahimana, umuvugizi w’igisirikare cy’u Rwanda akaba yavuze ko ingabo z’igihugu zamaganye iki gikorwa, kuko intego yabo ari ukurinda aho kwica.

Umuvugizi w’igisirikare cy’u Rwanda yavuze ko bamaganye ubu bwicanyi

SOMA INKURU BIJYANYE HANO: Kigali: Umuganga ufite ipeti rya Major yakubise umwana aramwica

KANDA HANO UREBE VIDEOS UTASANGA AHANDI