AMAKURU

UKWEZI
CHENO

Ingabo z’u Rwanda ziri mu butumwa muri Sudani y’Epfo zashimiwe bikomeye

Ingabo z’u Rwanda ziri mu butumwa muri Sudani y’Epfo zashimiwe bikomeye
27-05-2016 | By Chief Editor | Yasomwe n'abantu 1421 | Ibitekerezo 1

Abasirikare b’Ingabo z’u Rwanda za Batayo ya 2 ziri mu butumwa bw’amahoro mu Muryango w’Abibumbye i Malakal muri Sudani Yepfo (UNMISS), ku itariki ya 25 Gicurasi 2016 bambitswe imidari y’ishimwe ya UN mu bijyanye no kubungabunga amahoro.

Umuyobozi mukuru mu muhango wo kwambikwa imidari, Umugaba Mukuru wungirije w’ingabo za UNMISS, Maj. Gen Chaoying Yang yagaragaje ubwitange bw’ingabo z’u Rwanda mu kazi zikora kinyamwuga uburyo bitwara mu kurinda abaturage ba Malakal. Yagize ati: ”Ibi byaragaragaye uburyo ingabo z’u Rwanda zarinze abaturage igihe habaga ibikorwa bibi ku itariki ya 17 na 18 kuri iyi nkambi. Mwagaragaje ubwitange muburizamo imigambi y’ibikorwa bibi byashoboraga gutuma bamwe babura ubuzima bwabo”.

General Yang yakomeje abwira abambitswe imidaari y’ishimwe bo mu ngabo z’u Rwanda zo muri Batayo ya 2, ko imidari ya UN bambitswe ari igihembo cyihariye cy’ishimwe kigaragaza uburyo Ingabo z’u Rwanda zikorana umurava akazi gakomeye zifite mu butumwa bw’amahoro zirimo muri UNMISS.

Umuyobozi w’ingabo za Batayo ya 2, Lt Col Edgar Mugabe Safari mu ijambo rye yagejeje ku bari aho yavuze ko iyo myitwarire myiza ku kazi bayikomora ku ndangagaciro ka za RDF zirimo ubwitange, umurava no gukunda igihugu. Asoza, yijeje abari bitabiriye uwo muhango wo kwambikwa imidari ko ingabo ayoboye, zizakomeza gusigasira izo ndangagaciro.

Umuhango wo kwambikwa imidari wabereye ku cyicaro gikuru cya UN aho irinda abaturage i Malakali, muri Sudani Yepfo wari witabiriye kandi n’abayobozi bakuru bakorera Umuryango w’Abibumbye muri Sudani Yepfo.


Tanga Igitekerezo
Ibitekerezo 1
isezerano erick Kuya 28-05-2016

Andika Igitekerezo cyawe hano ndabakunda ngabo zurwanda mukomereze aho

IGURIRE
IBARUWA ZA JORIJI
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA