konka coffee
KONKA

AMAKURU

UKWEZI

Ingabo z’u Rwanda zirwanira mu kirere zashimwe zinambikwa imidari - Amafoto

Ingabo z’u Rwanda zirwanira mu kirere zashimwe zinambikwa imidari - Amafoto
13-08-2016 saa 04:14' | By Chief Editor | Yasomwe n'abantu 2818 | Ibitekerezo 1

Abagize Ingabo z’u Rwanda, Umutwe urwanira mu kirere bari mu butumwa bw’amahoro i Juba muri Sudani y’Epfo, ku itariki 11 Kanama 2016, bambitswe imidari y’ishimwe ya Loni bashimirwa gukora akazi kinyamwuga mu butumwa bw’amahoro muri UNMISS. Imidari y’ishimwe bayambitswe n’intumwa ihagarariye Umunyamabanga mukuru wa Loni muri Sudani y’Epfo, Ellen Margrethe Loej.

Madamu Ellen Margrethe Loej yashimye abagize Ingabo z’u Rwanda zirwanira mu kirere uburyo bakora akazi kabo neza mu gufasha UNMISS kuzuza inshingano zayo, haba mu gutwara abasirikare bajya mu kazi, gushaka amakuru bakoresheje indege zabugenewe, kugeza imiti n’abakozi ndetse n’ibikoresho aho bikenewe. 

Yakomeje ashimangira cyane ubwitange ingabo za RDF zirwanira mu kirere zigaragaza, atanga urugero rw’uburyo mu mwaka ushize bashoboye kurokora abakozi 18 ba UNMISS hamwe n’abandi bakozi batanu bakorera muri Loni, abo bose bari bafashwe bugwate mu gace kitwa Kaka kari hejuru y’umugezi wa Nili, agace gafatwa nk’ahantu harangwa umutekano muke.

JPEG - 149.9 kb

Yongeyeho ko ingabo z’u Rwanda zatanze umusanzu ukomeye ubwo bafashaga UNMISS kurokora abana b’abanya Etiyopiya bari bafashwe bugwate mu gace ka Likuangole. 

Madamu Ellen yagize ati: “Nabwiwe ko mu Rwanda hari imvugo ivuga ngo ’MUKOMEZE IMIHIGO’ namwe mukomeze ubwitange kandi mbashimiye uburyo mwatunganyije akazi kanyu murimo musoza”.

JPEG - 151.2 kb

Umugaba w’ingabo z’u Rwanda, umutwe w’ingabo zirwanira mu kirere mu cyiciro cya kane kiri mu butumwa bw’amahoro muri UNMISS, Lt Col Bernard NIYOMUGABO, yashimye cyane ubufatanye bugaragara hagati y’ubuyobozi mu nzego zose zikorera muri UNMISS. 

JPEG - 174.3 kb

Mu gihe cy’amezi 11 bari mu butumwa, Umutwe w’Ingabo z’u Rwanda zirwanira mu kirere bakoze ingendo z’indege 741, zatwaye abagenzi 11,933 n’imizigo ingana n’ibiro 1,227,000. 

Umugaba w’Ingabo za UNMISS ushinzwe akarere k’Amajyepfo, Brig Gen Andrew KAGAME, yashimiye abagize umutwe w’ingabo z’u Rwanda zirwanira mu kirere, haba abatekinisiye b’indege n’abandi bose bafatanyije mu kazi, mu kubumbatira indangagaciro z’u Rwanda n’umutima wo gukunda igihugu no gufatanya bahesha ishema u Rwanda.

JPEG - 173.3 kb
JPEG - 157.7 kb

Tanga Igitekerezo
Ibitekerezo 1
karegeya jean Bosco Kuya 18-08-2016

police yigihugu ikwiye gukangurira abantu kugenzura ibyo birombe mbere kobabyinjiramo

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA