konka coffee
KONKA

AMAKURU

UKWEZI

Kayonza: Umubyeyi yibwe uruhinja rw’ukwezi n’uwo yita umugore w’umusirimu

Kayonza: Umubyeyi yibwe uruhinja rw’ukwezi n’uwo yita umugore w’umusirimu
16-09-2016 saa 13:31' | By Chief Editor | Yasomwe n'abantu 8118 | Ibitekerezo 4

IP Emmanuel Kayigi, umuvugizi wa Polisi mu Ntara y’Uburasirazuba

Ku isaha ya saa kumi z’umugoroba wo kuri uyu wa Kane tariki 15 Nzeri 2016, umugore wo mu mudugudu witwa Umucyo, mu kagari ka Rusera mu murenge wa Kabarondo wo mu karere ka Kayonza mu Ntara y’Uburasirazuba, yibwe umwana w’uruhinja rw’ukwezi kumwe, akaba yaramwibiwe mu isoko n’uwo yita umugore w’umusirimu.

Aya makuru yemejwe na IP Emmanuel Kayigi, umuvugizi wa Polisi y’u Rwanda mu Ntara y’Uburasirazuba, mu kiganiro n’ikinyamakuru Ukwezi.com akaba yatangaje ko umugore witwa Nyirandikubwimana Ernestine yacuruzaga inyanya mu isoko ryo mu murenge wa Kabarongo, hakaza kuza umugore wamusanze arimo kwakira abakiriya agahagarara iruhande rwe nawe ameze nk’umukiriya, ariko agakomeza kuvuga ko afite umwana mwiza.

Igihe cyaje kugera Nyirandikubwimana Ernestine abona abakiriya benshi baguraga inyanya, maze uwo mugore amusaba ko amuha umwana akamumufasha akabanza akabagarurira. Nyuma yo kwakira urwo ruhinja, uwo mugore yaje kujya hirya gato avuga ko agiye kugura umutobe, nyina w’umwana akebutse abura aho arengeye atangira gutabaza mu isoko ryose ariko baramushaka baramubura.

Nk’uko IP Emmanuel Kayigi abishimangira, uyu mugore wibwe umwana avuga ko uwamwibye atamuzi ndetse atigeze anamwitaho, gusa akavuga ko yamubonye akabona ari umugore w’umusirimu. Ntabasha kwibuka uko yasaga cyangwa ikindi kimuranga, asubiramo gusa ko yari umugore w’umusirimu.

Mu kwezi gushize kwa Kanama, undi mwana w’amezi abiri yari yibwe mu karere ka Gicumbi ariko aza gufatirwa mu gihugu cya Uganda nyuma y’iminsi itatu yibwe, ubuyobozi bw’akarere na Polisi y’u Rwanda bakaba barafatanyije mu kugaruza uyu mwana.


Tanga Igitekerezo
Ibitekerezo 4
EUGENIE Kuya 19-09-2016

none barebye uwobafashe yibye umwana witwa Mukanzabarushimana Epiphanie barikuvuga ruguru ko yaba aruwuwo mubyeyi .

jyajya Kuya 19-09-2016

Ngo ibisobanuro arimo guha umugabo? none se bamwibye umwana atagiye gushaka imibereho harubwo yamugurishije ahubwo uwo mugabo nanamukozaho urwara age kumurega, ubonye uwo muziranenge yabonekaga ubwo umugabo natabyishimira azajye apagasa umugore arere umwana.

eugene Kuya 17-09-2016

Umudamu witwa Mukanzabarushimana Epiphanie wavutse 1990 wo mumurenge wa Murama Akagari Sakara mumudugudu w’Urubare kuwa kane tariki ya 15.09.2016 ( 13h) ubwo yari mwisoko rya Kabarondo yibye umwana w’Umukobwa uri mukigereranyo cy’Ukwizi kumwe avutse amutwara rwinkwavu mubitaro murwego rwo kujijishako ko yamubyariye mubitaro ararayo ariko yatubwiyeko ko atabonanye n’abaganga.Ejo kuwagatanu nibwo yavuye mubitaro n’Umwana yibye yageze murugo mumasaa ku mi n’ebyiri abaturanyi babitahuye mugitondo.Nyumayo kwigerera kuri terrain Mukambarushimana Epiphanie yatwemereye ko yibye umwana ubu tumujyanye kuri Station ya Police ya Rukira naho umwana arajyanwa kwa muganga kuri Centre de Santé ya Rukira

wimana Kuya 17-09-2016

ihangane mubyeyi. gusa sinzi ibisobanuro uri guha umugabo wawe

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA