konka coffee
KONKA

AMAKURU

UKWEZI

Kicukiro: Ikamyo yari itwaye abasirikare yakoze impanuka ikomeye

Kicukiro: Ikamyo yari itwaye abasirikare yakoze impanuka ikomeye
11-10-2016 saa 14:19' | By Chief Editor | Yasomwe n'abantu 29578 | Ibitekerezo 10

Mu masaha y’igicamunsi cyo kuri uyu wa Kabiri tariki 11 Ukwakira 2016, imodoka ya gisirikare yakoreye impanuka ikomeye ku Kicukiro mu mujyi wa Kigali nko muri metero 300 haruguru y’ibiro by’akarere, imodoka ikaba yiyubitse benshi mu basirikare yari itwaye ubuzima bwabo bujya mu kaga, abapfuye n’abakomeretse bose hamwe bakaba ari 24.

Ubwo ikinyamakuru Ukwezi.com cyageraga ahabereye iyi mpanuka, abantu bari benshi bahuruye bakikije aho yabereye, imodoka za gisirikare zari nyinshi zirimo iz’abasirikare bakuru n’izikora ubutabazi, kimwe n’imodoka z’ishami rya Polisi rishinzwe umutekano wo mu muhanda. Imodoka z’ubutabazi zambaye ibirango by’igisirikare zacicikanaga zitwara abantu kwa muganga ari nyinshi, bigaragaza ubukana bw’iyi mpanuka.

Abantu bari benshi cyane, imodoka za gisirikare n’iza Polisi nazo zari zaje mu butabazi

Hagati aho abasirikare n’abapolisi bari bakumiriye abantu kwegera ahabereye impanuka, n’umuhanda wari wafunzwe utakiri nyabagendwa, mu gihe hari hakirimo gukorwa ibikorwa by’ubutabazi.

Abo iyi mpanuka yabaye bareba, batangarije ikinyamakuru Ukwezi.com ko abasirikare benshi bashobora kuba bayiguyemo n’ubwo imibare y’ababa bahatakarije ubuzima cyangwa abakomeretse itaratangazwa. Bavuga ko iyi modoka ishobora kuba yabuze feri, ikarenga umuhanda igayita yiyubika yuzuye abasirikare bari bagiye ku burinzi bwa nimugiroba.

Aho iyi kamyo yiyubitse, mu muferege hamenetse mazutu nyinshi cyane yamaze umwanya munini irimo gutemba

Lt Col René Ngendahimana, umuvugizi w’igisirikare cy’u Rwanda, yatangarije Ikinyamakuru Ukwezi.com ko abasirikare 24 ari bo bagiriye ikibazo muri iyo mpanuka, barimo 3 bapfuye ndetse na 21 bakomeretse, bakaba bajyanywe mu bitaro bya gisirikare bya Kanombe.


Tanga Igitekerezo
Ibitekerezo 10
chanto Kuya 13-10-2016

yooombega inkuru ibabaje twihanganishije imiryango yabuze ababo ndetse nabanyarwanda Bose aba bari abana burwanda !

BASA Kuya 12-10-2016

twogeye kwihanganisha imiryango yabuze ababo nogukomeza bafite inkomere na RDF Yihangane murakoze

BASA Kuya 12-10-2016

twogeye kwihanganisha imiryango yabuze ababo nogukomeza bafite inkomere na RDF Yihangane murakoze

alberto Kuya 12-10-2016

twifatanyije nababuze ababo kubera iyimpanuka abagiye kwamuganga imana ibakize

Muyango prudance Kuya 12-10-2016

condoleance kuri RDF ,ndeste nimiryango yabo basirikare imana ibakire natwe abaturage iyo nkuru yinshamugongo yatubabaje cyane twizeyeko ubushobozi ndeste nubuhanga ,gukunda igihugu tubaziho bizakomeza

kuradusenge Kuya 12-10-2016

pole kbs

Bagarirayose Felex Kuya 11-10-2016

iyinkuru irababaje cyane
pe!!
arikonyine nakundi
none twihanganishije
imiryango yababasirikare
yaburiye ubuzima bwabo muriyi
mpantuka na RDF Murirusange
tukaba twifatanyije nabo mukababaro
IMANA ibahe iruhuko ridashira

Belyse Kuya 11-10-2016

Yooo Abapfuye imana ibakire kandi twihanganishije umuryango wabo ndetse nabakomeretse bihangane barakira nimiryango yabo yihangane

wasswa fred Kuya 11-10-2016

Ooh sory for our fallen comrades

wasswa fred Kuya 11-10-2016

Oooh sory for our fallen comrades

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA