Kigali: Abajura bateye Sacco bica umuzamu undi baramukomeretsa

Chief Editor | 20-07-2016
Kigali: Abajura bateye Sacco bica umuzamu undi baramukomeretsa

Sup. Hitayezu Emmanuel, umuvugizi wa Polisi mu mujyi wa Kigali

Mu ijoro ryo kuri uyu wa Kabiri rishyira kuwa Gatatu, abajura bateye Sacco y’umurenge wa Kigali mu karere ka Nyarugenge mu mujyi wa Kigali, bica umwe mu bayirindaga naho undi baramukomeretsa bikomeye.

Sup Hitayezu Emmanuel, umuvugizi wa Polisi y’u Rwanda mu mujyi wa Kigali, yabwiye ikinyamakuru Ukwezi.com ko abo bajura bamaze kwica umuzamu umwe undi bakamukomeretsa, bagahita bashaka kwinjira ngo bibe amafaranga ariko bikabananira.

Sup Hitayezu avuga ko ahari habitse amafaranga hari hakinze cyane kuburyo bananiwe kuhagera, nyuma yo kugerageza ibishoboka byose bakananirwa kuhasenya, bikaba byarangiye bibayobeye bakigendera.

Kugeza ubu umurambo w’uwishwe wajyanywe mu buruhukiro bw’ibitaro bya Kacyiru, naho uwarashwe agakomereka we arimo gukurikiranwa n’abaganga mu bitaro bya Kigali bizwi nka CHUK, mu gihe iperereza ku ruhande rwa Polisi rikomeje.

KANDA HANO UREBE VIDEOS UTASANGA AHANDI