AMAKURU

UKWEZI

Kigali: Imirambo y’abagore b’abasirikare bakuru bishwe n’impanuka yaherekejwe

Kigali: Imirambo y’abagore b’abasirikare bakuru bishwe n’impanuka yaherekejwe
4-06-2016 | By Chief Editor | Yasomwe n'abantu 28093 | Ibitekerezo 9

Aha abayobozi bakuru barimo Minisitiri w’Ingabo n’umugaba w’ingabo bafataga umunota wo kwibuka aba bagore

Ku mugoroba wo kuwa Gatatu tariki 1 Kamena 2016, imodoka y’ivatiri ya gisirikare yakoreye impanuka mu karere ka Rulindo, ihitana abagore babiri bari baturutse muri Malawi, bakaba barerekezaga mu kigo cya gisirikare cya Nyakinama aho bari bagiye gusura abagabo babo bari barimo kuhakurikiranira amasomo. Imirambo yabo, yaherekejwe kuri uyu wa Gatandatu yoherezwa iwabo.

Aba bagore bapfuye mbere y’iminsi ibiri ngo abasirikare bakuru 46 bakurikiranaga amasomo yabo mu Rwanda, bayasoze ku mugaragaro banahabwe impamyabumenyi mu bijyanye no kuyobora ingabo. Muri aba 46, hari harimo babiri bo muri Malawi, ari nabo bagabo b’abo bagore baguye mu mpanuka mu gihe bari baje mu Rwanda ngo bazishimane n’abagabo babo mu muhango wo kurangiza amasomo.

Uyu muhango wabaye kuri uyu wa Gatanu, ariko abasirikare bakuru bo muri Malawi bo ntibyari ibyishimo byo kurangiza amasomo gusa, ahubwo bari no mu gahinda gakomeye ko kubura abafasha babo bapfuye bari mu nzira babasanga mu kigo.

Muri uyu muhango, hafashwe umunota wo kwibuka abo bagore, hanyuma Minisitiri Gen James Kabarebe anatanga ubutumwa bwo kwihanganisha iyi miryango. Yagize ati: "Tubabajwe cyane no kuba aba bofisiye babuze abafasha babo. Mu izina rya Guverinoma y’u Rwanda, nihanganishije Guverinoma ya Malawi, igisirikare cya Malawi n’imiryango yabuze ababo. Roho zabo ziruhukire mu mahoro."

Amakuru agera ku kinyamakuru Ukwezi.com, ni uko mu gitondo cyo kuri uyu wa Gatandatu tariki 4 Kamena 2016, aribwo ubuyobozi bw’igisirikare cy’u Rwanda bwaherekeje imirambo y’aba bagore, bakurizwa indege ku kibuga cy’indege cy’i Kanombe bakoherezwa iwabo muri Malawi aho bagomba kuzashyingurwa.


Tanga Igitekerezo
Ibitekerezo 9
Nsengimana Daniel Kuya 12-12-2016

Mbega!
nibihangane mwisi nikobigenda

denyse Kuya 2-12-2016

Imana ibahe iruhuko ridashira kandi abagabo. nabo bakomeze kwihangana muribibihe bitoroshye.

kubwimana Gerard Kuya 6-06-2016

Intwari sana! RIP!!!!

kubwimana Gerard Kuya 6-06-2016

Intwari sana! RIP!!!!

Innocent Kuya 5-06-2016

Imana ibahe iruhuko ridashira

cyubahiro Kuya 5-06-2016

imana ibakire mubayo knd ikomeze abasigaye boguheranwa nagahinda

ingabire jean claude Kuya 5-06-2016

imana ibahe ibiruhuko bidashira kandi u
miryangoyabo iri marawi yihangane mwisi bibaho kontawe uzajyana nundi bazabasangayo

kwizera Kuya 4-06-2016

.urakanywa amazi inziga zinyobwa
n abagabo

Munyaneza Albert Kuya 4-06-2016

IMANA Ibakire Mubayo Ibahe Iruhuko Ridashira, Abagabo Babo Bihangane Bamenyeko Kwisi Atariho Iwacu Turi Kwicumbi

IGURIRE
IBARUWA ZA JORIJI
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA