Kigali: Imodoka ya Polisi yagonganye na moto, babiri bavunika amaguru

Chief Editor | 8-10-2016
Kigali: Imodoka ya Polisi yagonganye na moto, babiri bavunika amaguru

Ku mugoroba wo kuri uyu wa Gatanu tariki 7 Ukwakira 2016, impanuka y’imodoka ya Polisi y’u Rwanda na moto, yabereye ku Kimisagara mu mujyi wa Kigali, abantu babiri bakaba bahise bavunika amaguru bajyanwa kwa muganga ari intere.

Aya makuru yanemejwe n’umuvugizi w’ishami rya Polisi y’u Rwanda rishinzwe umutekano wo mu muhanda, CIP Emmanuel Kabanda, akaba yatangarije ikinyamakuru Ukwezi.com ko iyi mpanuka yabaye saa kumi n’imwe n’igice z’umugoroba wo kuri uyu wa Gatanu.

Avuga ko yabereye mu mudugudu wa Ntaraga mu kagari ka Munanira mu murenge wa Kimisagara, uwitwa Nsengimana Valens wari utwaye moto RC 690 P yavaga muri Nyabugogo igana i Nyamirambo akaba yashatse guca ku modoka byajyaga mu cyerecyezo kimwe, ahita agongana n’imodoka ya Polisi ifite ibirango RNP 059 N yavaga i Nyamirambo ijya muri Nyabugogo.

Nyuma yo kugongana, umumotari n’uwo yari ahetse bakaba bavunitse amavuguru bombi, imodoka itwara indembe ikaba yahise ibajyana mu bitaro bya Kaminuza bya Kigali (CHUK). Polisi ivuga ko impanuka yaturutse ku kugenda nabi k’umumotari.

KANDA HANO UREBE VIDEOS UTASANGA AHANDI