konka coffee
KONKA

AMAKURU

UKWEZI

Kigali: Indi modoka ya gisirikare yahitanye umuntu, iba iya 3 mu mezi atageze kuri abiri

Kigali: Indi modoka ya gisirikare yahitanye umuntu, iba iya 3 mu mezi atageze kuri abiri
27-07-2016 saa 06:35' | By Chief Editor | Yasomwe n'abantu 5785 | Ibitekerezo 4

Mu masaha ya mu gitondo cyo kuri uyu wa Gatatu tariki 27 Nyakanga 2016, mu mujyi wa Kigali mu gace kazwi nko mu Kanogo habereye impanuka y’ikamyo ifite ibirango by’igisirikare cy’u Rwanda yagonze umuntu agahita apfa. Iyi mpanuka ikaba ije ikurikira izindi 2 zakozwe vuba n’imodoka za gisirikare nazo zahitanye abantu.

Umuvugizi w’ishami rya Polisi y’u Rwanda rishinzwe umutekano wo mu muhanda, CIP Emmanuel Kabanda, yabwiye ikinyamakuru Ukwezi.com ko iyi kamyo itwara amazi ifite ibirango RDF 192 P yavaga Rwandex yerekeza ku Kimisagara, yagiye kwinjira muri Rond Poind yo mu Kanogo ikarenga umuhanda ikagonga umunyamaguru witwa Niyonkuru Yves w’imyaka 29 agahita apfa, umurambo ukaba wajyanywe ku bitaro bya Kacyiru naho umushoferi akaba yashyikirijwe Military Police. Iperereza rirakomeje ngo hamenyekane icyateye iyi mpanuka.

Aha abantu bari bashungereye bareba iby’iyi mpanuka yahitanye umuntu

Iyi ni impanuka ya gatatu ikozwe n’imodoka za gisirikare mu gihe kitageze ku mezi abiri, kandi izi mpanuka zose zihitana abantu. Mu ijoro rya tariki 1 Kamena 2016, imodoka y’ivatiri ya gisirikare yakoreye impanuka mu karere ka Rulindo, ihitana abagore babiri bari baturutse muri Malawi, bakaba barerekezaga mu kigo cya gisirikare cya Nyakinama aho bari bagiye gusura abagabo babo barimo kuhakorera amahugurwa.

Ku mugoroba wo kuwa Gatanu tariki 15 Nyakanga 2016, nabwo mu karere ka Rulindo habereye impanuka y’imodoka y’ikamyo ifite ibirango by’igisirikare cy’u Rwanda, yagonze abana batatu b’abanyeshuri, babiri bagapfa undi umwe agakomereka.


Tanga Igitekerezo
Ibitekerezo 4
ROGER Kuya 27-07-2016

Harya nabo bafite societe d’assurance bakorana nayo uzi ukuntu n’izindi zabo buri gihe zigenda nk’izitabaye niyo yaba agiye muri 5km amategeko akurikizwe pe kdi ku binyabiziga byose

ROGER Kuya 27-07-2016

Harya nabo bafite societe d’assurance bakorana nayo uzi ukuntu n’izindi zabo buri gihe zigenda nk’izitabaye niyo yaba agiye muri 5km amategeko akurikizwe pe kdi ku binyabiziga byose

jjj Kuya 27-07-2016

hari niyaguye ejo muri Nyungwe mutamenye nayo y’ikamyo.

me Kuya 27-07-2016

nyamaze police ikaze guhugura abasilikare imodoka zabo.zigenda nabi accident yabo narokotse kubwa Nyagasani

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA