Kigali: Umugore yishwe n’abagizi ba nabi banamukuramo amaso

Chief Editor | 29-05-2016
Kigali: Umugore yishwe n’abagizi ba nabi banamukuramo amaso

Mu kagari ka Kamatamu ko mu murenge wa Jabana mu karere ka Gasabo ho mu mujyi wa Kigali, mu gitondo cyo kuri iki Cyumweru tariki 29 Gicurasi 2016, habonetse umurambo w’umugore wishwe bigaragara ko yanakuwemo amaso.

Mu kiganiro ikinyamakuru Ukwezi.com cyagiranye n’umuvugizi wa Polisi y’u Rwanda mu mujyi wa Kigali, Sup Emmanuel Hitayezu, yadutangarije ko uyu mugore wishwe yitwa Mukabideli Vestine, akaba yasanzwe mu nzu ye bigaragara ko hashize nk’iminsi itatu yishwe, ndetse bakaba basanze bigaragara ko abamwishe bashobora kuba baramukuyemo amaso.

Sup Hitayezu avuga ko uyu Mukabideli Vestine yibanaga wenyine kuko umwana agira yagiye ku ishuri, abaturanyi be bakaba bavuga ko baherukaga kumubona kuwa Kane, hanyuma kuri iki Cyumweru bakaba babonye amasazi aturuka mu nzu ye babimenyesha inzego z’ibanze bafunguye basanga yarishwe.

Akomeza avuga ko ubu umurambo wajyanywe kwa muganga ngo hamenyekane icyamwishe mu gihe iperereza ryatangiye ngo hamenyekane icyamwishe, gusa abaturanyi bakavuga ko bishoboka ko yaba yishwe na musaza we bari bafitanye amakimbirane ashingiye ku masambu.

KANDA HANO UREBE VIDEOS UTASANGA AHANDI